Жан Лафонтен: Бўри билан қўзичоқ (Масаллар)

Жан Лафонтен (1621 – 1695) — машҳур француз масалчи шоири, ўзига хос шеърий асарлар муаллифидир. У Франциянинг қишлоқларидан бирида ўрмончи оиласида туғилади ва табиат қўйнида вояга етади. Кейин эса Парижга келиб, бадиий ижод билан шуғулланади ҳамда тез орада таниқли масалчи шоир сифатида танилади. Лафонтен ўз масалларида ҳалоллик, ҳақгўйлик, одамийлик сингари умуминсоний мавзуларни кўтариб чиқади ҳамда ҳаётда учрайдиган ижтимоий камчиликлар ва инсон хулқидаги нуқсонларни ҳажвий кулги остига олади. Рус масалчиси I.Krilov Лафонтеннинг қатор масалларини рус тилига таржима қилган ва ўз масаллари учун асос қилиб олган.

Мазкур китобга киритилган Жан Лафонтеннинг аксар масаллари илк бор ўзбек тилига ўгирилди.

Тўпловчи ва асосий таржимон: Мухтор Худойқулов

16+