Юлдуз Ўрмонова: Ахтарим

Масъул муҳаррир: Ғайрат МАЖИД

Кўзмунчоқ! Тилимизда шундай самимий сўз бор. Ота-боболаримизнинг кўзга яқин, келишган фарзанд-у набираларига қарата айтиладиган “Кўз тегмасин” иборасини кўп эшитганмиз. Эҳтимол, шу сўздан илҳомланиб Ўзбекистон халқ шоири Сирожиддин Саййид ҳам китобларидан бирини “Сўзмунчоқ” деб номлагандир.

Адабиётимизда ҳам ана шундай ўсиб келаётган кўркам ниҳолларнинг боғга айлангулик бўйи бор. Бу боғларнинг ҳосили мўл бўлишини ният қилиб, бир туркум китобларни “Сўзмунчоқ” рукни остида нашр этишни режа қилдик.

Юлдуз Ўрмонованинг ижодида самимийлик ва соддалик, беғуборлик билан некбинлик уйғунлашиб кетган. Шунинг учун унинг ёзганларидан бир яхшилик, ёруғлик қалбингизга инади.

Ўзбекистон Ёзувчилар уюшмаси ҳомийлигида чоп этилди.