Йоҳан Ҳари: Ўғирланган диққат

Журналист ва ёзувчи Йоҳан Ҳари сўнгги йилларда диққатини жамлаши тобора қийинлашиб бораётганини сезгач, аввал муаммони ўзидан қидиради. Бироқ кейинчалик бу муаммо кўпчиликка хос эканини англайди. Тадқиқотлар олиб бориб, мутахассислар билан суҳбатлашган сари муаммо анча чуқур ва тизимли сабаблар билан боғлиқлигини кашф этади. Муаллиф ушбу сабабларни батафсил таҳлил қилади ва диққатимизни қайта тиклаш йўлларини излайди. Унинг таъкидлашича, фақат шахсий ҳаётимизда кичик ўзгаришлар қилиш муаммони тўлиқ ҳал қила олмайди. Диққатимизни тортиб олаётган кучларга жамоавий тарзда қарши туришимиз керак.