Улуғбек Яхшиев: Информатика: қисқача маълумотлар

Бир кун келиб компьютерни билмаган киши ўқиш-ёзишни билмайдиганларнинг ҳолига тушиб қолади деган тахминлар бугун ўзини тўла оқлаб турибди. Зеро, ахборот технологиялари ҳаётимизга шу қадар чуқур кириб олдики, унингсиз на меҳнат фаолиятимизни, на кундалик ҳаётимизни тасаввур эта оламиз. Демак, бугун инсон тафаккурининг ушбу маҳсулидан самарали фойдалана олганларгина ютади. Шуни инобатга олган ҳолда мазкур қўлланмани чоп этишга қарор қилдик. Китоб олий ўқув юртларига киришга тайёргарлик кўраётган абитуриентлар, мазкур соҳага қизиқувчи кенг китобхонлар оммасига мўлжалланган.