Уинстон Черчилл: Иккинчи Жаҳон Уруши

Жаҳоннинг йирик сиёсий кучлари орасида ўзаро келишмовчиликлар йилдан йилга кучайиб бораётган бугунги кунда ҳар бир инсон бу каби қарама- қаршиликларнинг илдизи қачонга ва қайси тарихий воқеликларга бориб тақалади деб қизиқади, бу тўғрида тўлиқроқ маълумотлар олгиси келади. Шу томондан олиб қараганда таниқли инглиз сиёсатчиси, давлат арбоби У.С. Черчиллнинг ушбу китоби ўзбек ўқувчисини қизиқтирадиган, ўйлантирадиган саволларга етарлича жавоб бера олади, деб ўйлайман.
Биламизки, дунёнинг турли жамиятларида бўлгани каби ўзбек жамияти орасида ҳам яқин юзйилликларда бўлиб ўтган ва бугун юз бераётган сиёсий ўзгаришлар, келишмовчиликлар юзасидан турлича ёндашувлар билдирилмоқда. Кўпинча қарашлар орасида турличалик, бир-бирига қарши ишончсизлик кайфияти кучайиб бораётгани кўзга ташланади. Бунинг негизида бир томондан дунёнинг турли қутбларга бўлиниши, улар орасида қай бири тўғри йўлдан бораётгани, қай бири эса "нотўғри" йўл танла- гани бўйича тортишувлар бўлар экан, ҳар иккала томоннинг ҳам воқеликлар тўғрисида етарлича тасаввурга эга эмаслиги кўриниб қолмоқда.