Шуҳрат Ғойибназаров: Ислом терроризмга қарши (кирилл)

Сиёсий фанлар доктори, профессор Шуҳрат Ғойибназаровнинг янги китобида ислом динининг инсонпарварлик, тинчлик, адолат, бағрикенглик, поклик каби арконларига қарши ақидапараст, фитначи ва жоҳил гуруҳларнинг зўравонлик, босқинчилик ва талончиликка асосланган сиёсатларида ислом дини моҳиятини азалдан бузиб талқин этиш ҳозирги кунда ҳам давом этаётганлиги, хусусан, инсоният тарихида энг шафқатсиз халқаро террорчилик ташкилоти - «Ислом давлати"нинг пайдо бўлиши ва мисли кўрилмаган ваҳшийликлари кўлами хориж ва мамлакатимиздаги бой манбалар асосида чуқур илмий таҳлил этилган. Китобда терроризмга қарши курашда БМТ, халқаро ташкилотларнинг роли, Ўзбекистон Республикасининг халқаро терроризм ва экстремизмга қарши кураш тажрибаси ҳамда амалиёти, бу борадаги профилактик чора-тадбирлар масалалари ёритилган. "Ислом терроризмга қарши" номли монография олий ва ўрта махсус ўқув юртлари профессор-ўқитувчилари, илмий тадқиқотчилар, талабалар, жамоат ташкилотлари вакиллари ҳамда мазкур муаммо билан қизиқувчи кенг ўқувчилар оммасига мўлжалланган.