Шерзод Комил Халил: Ўлим Лабиринти

Бу келиб-кетгувчи дунё бамисоли ўлим лабиринти. Истасак ҳам, истамасак ҳам бу лабиринтдан ҳеч қачон чиқиб кетолмаймиз. Биз унда кун кечирамиз, Ҳақ сари юрамиз, адашамиз, севамиз, нафратланамиз ва бир кун ўламиз батаҳқиқ.

Истеъдодли ёш ёзувчи Шерзод Комил Халилнинг «Ўлим лабиринти» ҳикоялар тўпламидаги образлар шаҳар цивилизациясидан узоқ дарё ва ўрмонлар бўйида яшаётган ва бу англанмаган, тушуниксиз дунёда шу лабиринтга тушиб қолган ўзга дунё одамлари. Бу одамлар ҳаётини ёзувчи гоҳ реализмда, гоҳ фусункор реализмда ғаройиб бир тарзда тасвирлайди. Миллий ва жаҳон адабиётининг энг яхши анъаналарини ўзида мужассамлаштирган ўзгача руҳдаги бу ҳикоялар сизни асло бефарқ қолдирмайди, деб ўйлаймиз.