Шавкат Раҳмон: Танланган асарлар

Атоқли шоир Шавкат Раҳмон ижоди ўзбек халқининг бебаҳо мулкига айланган. Шоир мухлислари ва адабиёт муҳиблари учун, Ўзбекистон Ёзувчилар уюшмаси томонидан тайёрланган навбатдаги туҳфа, шубҳасиз, адабиёт байрами бўлди.
Шоирнинг “Танланган асарлар”ида “Рангин лаҳзалар”, “Юрак қирралари”, “Очиқ кунлар”, “Гуллаётган тош”, “Уйғоқ тоғлар”, “Ҳулво”, “Сайланма”, “Абадият оралаб” каби китобларидаги шеърлар, Федерико Гарсиа Лорка, Рафаел Алберти, Ён Караён, Наби Хазрий, Ўлжас Сулаймон, Тўқтағул Сотилған ўғли сингари шоирлар ижодидан таржималари, илгари  матбуотда эълон қилинган суҳбат-интервюларидан айримлари, шоирнинг ХХ асрнинг 60-, 70-йилларида Ўш вилояти газетасида эълон қилинган, лекин тўпламларга киритилмаган илк шеърлари жой олган.
Китоб, миллатпарвар шоирнинг ижоди тўғрисида китобхонга яхлит тасаввур пайдо қилишига ва манфаатли бўлишига ишонамиз.