Шаймо Чекижи: Дарслар орамизни бузолмайди

Фарзандингизда дарс тайёрлаш учун иштиёқ етишмаяптими, дарс столига келиб ўтиришга қийналяпти, дарс тайёрлашга ўтирганида ҳам диққатини жамлай олмаяптими? Ёки вазифаларни бажаришни истайди-ю, лекин вақтини тўғри тақсимлаши қийин бўляптими? Сиз эса "Дарсингни тайёрла!", "Уй вазифаларингни бажар!", "Тестларни ечгин!" деявериб ҳолдан тойдингизми? Ёки аксинча, фарзандингиз дарс столидан умуман бош кўтармаяптими? Ушбу саҳналардан қайси бири содир бўлишидан қатъий назар вазифалар, имтиҳонлар ва дарслар фарзандлар билан бирга ота-оналарни ҳам хавотирга солади. Ўрталаридаги муносабатнинг дарз кетишига сабаб бўлади. Болалар кун ўтгани сайин хоҳишсиз, бепарво, ҳорғин ва қайғули шахсларга айланиб бораверади.

Ушбу китобни қўлга олганингизга қараганда, сиз ҳам фарзанди ва унинг келажаги учун ташвишланган, шу сабабли нима қилиш лозимлигини суриштирган, изланувчан, қизиқувчан ота-онасиз. Аввало, ушбу масалада бирор ечим бормикан дея чора излаганингиз билан сизни табриклайман. Ушбу китоб ота-оналик вазифангизни мукаммал адо этишда ёрдамчингиз бўлишини тилаб қоламан.