Сайфиддин Оканов: Тошлоқ Кўчалар

Кўзмунчоқ! Тилимизда шундай самимий сўз бор. Ота-боболаримизнинг кўзга яқин, келишган фарзанду набираларига қарата айтиладиган "Кўз тегмасин" иборасини кўп эшитганмиз. Эҳтимол, шу сўздан илҳомланиб Ўзбекистон халқ шоири Сирожиддин Саййид ҳам китобларидан бирини "Сўзмунчоқ" деб номлагандир.
Ушбу тўпламга Ўзбекистон Ёзувчилар уюшмаси аъзоси, "Мард ўғлон" мукофоти соҳиби Сайфиддин Окановнинг инжа шеърлари жамланган. Шоир шеърий сатрлари орқали Ватанни, ўз халқини севишга, унинг тақдири учун қайғуришга ундайди, инсон кечинмаларини, унинг руҳиятини ўзига хос образлар орқали ифодалаб, сизни меҳр-оқибат, муҳаббат, садоқат каби туйғулар оламига етаклайди. Бу шеърларни шунчаки кўнгил хушламоқ учун ўқиб бўлмайди, бу мутолаа сизга ҳам шоирни ўйлантирган одамзоднинг ғамлари, ташвишлари ва ижтимоий юкини ор- тади. Қалбингиз янада катталаша бошлаганини ҳис қиласиз. Тўплам кенг жамоатчиликка мўлжалланган.