Салим Дониёров: Янги Ўзбекистон орзуси

Тўплаб, нашрга тайёрловчи Абу Бакр Ўрозов

Ўзбекистонда хизмат кўрсатган журналист, таниқли олим Салим Дониёровнинг мазкур тўпламдан ўрин олган публицистик мақолаларида Ватанга муҳаббат, миллий урф-одатларга, умуминсоний қадриятларга ҳурмат туйғулари ажиб оҳангларда тасвирланади.

Муаллифнинг ижтимоий-сиёсий йўналишдаги мақолаларида Янги Ўзбекистонни қуриш йўлида Президентимиз томонидан олиб борилаётган оламшумул ислоҳотларга камарбасталик акс этади.

Шунингдек, ҳозир биз учун оддий ҳолдек кўринаётган, давлатимиз раҳбарининг сиёсий иродаси билан йўлга қўйилган, таъбир жоиз бўлса, қайта жон ато этилган кенг кўламли тарихий ўзгаришлар маҳорат билан қаламга олинган.

Тўпламдан “Янги Ўзбекистон” нашрида чоп этилган мақолалар ўрин олган бўлиб, улар моҳиятан икки қисмга бўлинади. Биринчи бўлимда муаллифнинг давлат ва жамоат арбоблари билан суҳбатлари берилган бўлса, иккинчи бўлимда Янги Ўзбекистонга қўйилган тамал тошларидан бошлаб, ва миллат истиқболи, шаъни ва обрўси йўлида амалга оширилаётган ўзига хос услубда теран таҳлилга тортилган.

Ўзбекистон Ёзувчилар уюшмаси ҳомийлигида чоп этилди