Сафар Оллоёр: Кўзгусиз гўзал

Истиқлол даври ўзбек адабиётининг навқирон намоёндаси, истеъдодли шоир Сафар Оллоёрнинг ушбу китоби - "Танланган асарлар" тўпламининг дастлабки жилди олдинги китобларида эълон қилинмаган янги, турли йилларда ёзилган бир-биридан ажойиб туркум шеърлар ва, умуман, адабиётда илк бор муаллиф томонидан кашф этилган энг ихчам поэтик жанр - қўшсатрлардан тартиб берилганлиги билан зукко назм мухлислари учун ҳам, талабчан адабиётшунос мутахассислар учун ҳам эътиборга сазовор қимматли туҳфадир.

Шу боисдан, Сафар Оллоёрнинг шеъриятимиздаги ўзига хос ёрқин овози, теран фалсафий рамзий-мажозий ифода услуби, сермазмун ижодий кузатувлари, чин инсоний самимиятга йўғрилган нафис фасоҳат олами энг талабчан ва зукко шеърхон-ихлосмандларни ҳам бадиий жиҳатдан тўла қаноатлантиришига ишонамиз.