Рустам Холмурадов: Биринчи Ренессанс Алломалари

Ушбу ўқув қўлланма Ўзбекистон замини тарихда буюк Уйғониш даврларига бешик бўлган, дунё илм-фани ривожига улкан ҳисса қўшган улуғ мутафаккирларни етиштириб бергани қаламга олинган.

Шу билан бирга, давлатимиз раҳбари томонидан Янги Ўзбекистонни бунёд этиш ва Учинчи Ренессансга мустаҳкам замин яратиш борасида амалга оширилаётган шиддатли ислоҳотлар ҳақи да сўз юритилади.

Ушбу "Биринчи Ренессанс алломалари" номли ўқув қўлланмаси учта китобдан иборат туркумнинг дастлабкисидир. У жонажон Ватанимизнинг янги тарихига дастлабки чизгилар эканлиги билан ҳам алоҳида аҳамиятга эга.

Муаллифлар "Иккинчи Ренессанс алломалари", "Учинчи Ренессанс инсонпарварлик ва илм-маърифат асосига қурилмоқда ўқув қўлланмаларини ҳам тез орада тақдим этишга аҳд қилишган. Уларда Шарқ маданиятининг олтин асри ва бунда муҳим роль ўйнаган Соҳибқирон бобомиз Амир Темурнинг ибратли ишлари, жадид боболаримизнинг бой мероси ва Янги Ўзбекистон бош меъмори томонидан олиб борилаётган шиддатли ислоҳотлар ҳақида ҳикоя қилинади.

"Биринчи Ренессанс алломалари" номли ўқув қўлланмаси Ватанимиз тақдирига бефарқ бўлмаган кенг китобхонлар оммасига мўлжалланган бўлиб, барча таълим муассасалари, хусусан, олий ўқув юртлари, ташкилот ва идоралар, ҳар бир хонадонга кириб бориши мақсадга мувофиқдир.

Зотан, қайси замонда бўлмасин, ўзгариш ва янгиланишлар, аввало, халқнинг қудрати, салоҳияти ва кучига таянилади.

Ушбу ўқув қўлланма барча олий ўқув юрти талабаларига тавсия қилинади.