Эркин Аъзам. Отойининг туғилган йили

Ўзбекистон халқ ёзувчиси, забардаст ижодкор Эркин Аъзамнинг ушбу китоби ёшлар ҳаёти, уларнинг дунёқарашлари-ю шод-хуррам кечинмалари, илк муҳаббати-ю изтироблари ҳақида. Китобдан салкам эллик йил бурун ёзилган машҳур «Отойининг туғилган йили» ва ундан ҳам аввал битилган-у, «совет педагогикасига тўғри келмагани учун» узоқ вақт бисотда қолиб кетган «Кечирасиз, ўртоқ муаллим!» қиссалари ўрин олган. Бугунги навқиронларга-да манзур бўладиган бир-бирига руҳан яқин бу асарлар юксак профессионализми, бадиий жўшқинлиги, ўзига хос жозибаси ҳамда аччиқ-кинояли тили билан ажралиб туради.

Ўзига етгунча саркаш, аммо мард ва олижаноб ёш қаҳрамонлар дунёсига марҳабо, азиз китобхон!