Хезер Моррис: Освенцимдаги татуировкачи

Австралиялик ёзувчи, сценарийнавис ва шифокор Хезер Моррис кўплаб мукофотларга сазовор бўлган таниқли асарлар ва киносценарийлар муаллифи ҳисобланади. 2003-йилда Хезернинг олдига "бутун дунёга айтиб беришга арзигулик" ҳикоясини сўзлаб бериш учун кекса бир киши келади. Ёзувчи аёл ва Лейл Соколов учрашган кун уларнинг иккаласининг ҳам бутун ҳаётини тубдан ўзгартириб юборди. Ўртада пайдо бўлган қалин дўстлик муносабати Лейлнинг шахсан ўзи бошдан кечирган Холокост воқеалари тўғрисидаги юраги тубида сақлаб келаётган ва ҳеч кимга илинмаган ҳикоясини ҳеч тортинмасдан Хезерга борича айтиб беришига имкон яратди. Хезер дастлаб уни сценарий шаклида ёзди, кейинчалик эса "Освенцимдаги татуировкачи" романи дунё юзини кўрди.