Омина Шенликўғли: 500 йилдан сўнг

Борлиқни бирор намунага қарамай яратган шони улуғ Аллоҳнинг номи билан бошлайман.

Муҳтарам ўқувчим, қўлингиздаги китоб менинг фантастика жанридаги илк китобим. Яна "Робот иш ташлади", "Дунёни ҳайвонлар босди" каби фантастик асарларим навбатда турибди.

Мазкур китоб бундан беш-олти йил олдин ёзилган. Адиб биродаримиз Исмоил Ф. Жейлан фалон нашрлар тинмай китобингизни сўраяпти, деб илтимос қилавергач, асаримни бердим. Лекин йиллар ўтса ҳам, чоп этишмади. Бу орада китобдаги айрим ўйлаб топилган нарсалар ҳақиқий ҳаётда юз бериб бўлди.

Ҳали жуда кичиклигимда, ҳали бирорта туннель кўрмаганим ҳолда денгиз остидан Кадикўйга шундай йўл ўтказса бўлмасмикан, деб ўйлардим. Қисқаси, ўша нашриёт топилмаларимни увол қилди...

Охирги марта ҳам шавқ билан ўқидим. Ҳали ўз юртимда ҳам нашр этилмаган бу асарни, иншооллоҳ, сиз ҳам шундай шавқ билан мутолаа қиласиз.

Амина Шенликоғлу 04.01.2021, Истанбул

Ушбу китоб кўплаб асарлари билан ўқувчилар кўнглидан жой олган турк адибаси Амина Шенликўгли қаламига мансуб. Аммо бу асар бошқаларидан ўзининг мавзуси, йўналиши билан фарқ қилади. Ёзувчи бу асарида фантастик тасаввурлар орқали келажакда инсоният орасида қандай ўзгаришлар, ютуқ ва йўқотишларни тасаввур қилади.