Носиржон Жўраев: Имзо

Ҳаётнинг ҳар парчаси шеър, инсоннинг ҳар нафаси ижод. Фақат дилдаги изтироб бўлакларининг тилга кўчган ифодалари адабиётнинг не бир шакли бўлиб ўқувчиларга етиб боради. Сўзга айланмай қолганлари эса ундан ҳам бисёр бўлади одам кўнглида. Таниқли шоир Носиржон Жўраевнинг ушбу тўпламига ижодкорнинг йиллар давомида аввал юракда пишиб, сўнг сўзда қайралиб етилган шеърлари киритилган. Улардан қанчаси аллақачон ижтимоий тармоқлар орқали севимли бўлиб ҳам улгурган. Аммо азиз ўқувчиларга бу шеърларни яхлит китоб ҳолида тақдим қилишнинг ҳам ўз завқи бор.