Нортўхта Қилич: Тантана

«Икки олам аро» - олам-жаҳон маънони ўзига жо қилган бир жумла!.. Китобдан ўрин олган асарлардан бирининг номи шундай. Жанри эса муноқаша. Моҳиятан қаралганда, хар қандай бадиий асар баҳсу мунозарадан иборат: муаллифнинг ўз-ўзи билан, атрофдагилар, воқелик билан, замон билан...

Муаллиф бошига тушган ногаҳоний кўргилик асарнинг яралишига туртки бўлган. Бироқ, мутолаа жараёнида маълум бўладики, асар фақат ижодкорнинг бошига тушган хусусий оғриқлардангина иборат эмас, балки, аниқроқ таъкидлайдиган бўлсак, хасталанган ва соғайиш азобларини бошидан кечираётган жамият дарди эканлигини аниқ-тиниқ ҳис этасиз.

«Тантана», гарчи шакл, ифода нуқтаи назаридан муноқашадан бир мунча фарқланса-да, руҳан, мазмунан ва энг муҳими, ростгўйлиги билан унга ҳамоҳанг. Ҳар иккала асарни ҳам гоҳ кўксингиз, гоҳ кўзларингиз жимирлай-жимирлай, завқ-шавқ билан ўқишингизга ишонамиз.