Нодар Думбадзе: Ҳелладос

Мазкур тўпламда грузин адабиётининг ёрқин вакили Нодар Думбадзенинг уч машҳур асари: "Ҳелладос" ҳикояси, “Кукарача ёки нишонга тегмаган ўқлар" қиссаси ва "Оқ байроқлар" романи жамланган. Бу асарларда муаллиф ижодининг асосий ғоявий йўналиши: инсонийлик, меҳр-оқибат, ватанпарварлик, садоқат ва ҳаёт синовлари олдида букилмаслик яхлит ҳолда намоён этилган.
"Ҳелладос"да муаллиф ватанпарварлик туйғусини самимий ва таъсирчан бадиий тил орқали очиб беради.
"Кукарача ёки нишонга тегмаган ўқлар"да эса ҳаётнинг кутилмаган бурилишлари, ҳақиқат ва адолат, инсон интилишларининг мураккаблиги рамзий тарзда ифодаланади.
"Оқ байроқлар" романида эса уруш ва тинчлик, жасорат ва қўрқоқлик, дўстлик ва хиёнат, умид ва умидсизлик каби мавзулар чуқур фалсафий руҳда ёритилади.
Ушбу нашр ўқувчини нафақат воқеалар силсиласига, балки инсон руҳиятининг энг теран қатламларига олиб киради. Китоб ҳаётни севишга, одамларни тушунишга ва яхшиликка ишонишга ундайди.