Насулло Носирович Садуллаев: Олий таълимнинг кўринмас муаммолари

Бугунги олий таълим тизими ҳақиқатан қандай ҳолатда? Талаба, ўқитувчи ва ота-оналарни қийнаётган асосий муаммолар нимада? Ушбу китоб айнан шу саволларга чуқур ва асосли жавоб беради.

Муаллифнинг кўп йиллик шахсий ҳамда касбий тажрибасига таянган ҳолда ёзилган асарда мамлакатимиз олий таълим тизимининг бугунги ҳолати таҳлил қилинади. Хусусан, муҳандислик таълимидаги долзарб масалалар, кредит-модул тизими, илмий-тадқиқот фаолияти самарадорлиги, ёш тадқиқотчилар муаммолари ва таълим сифатига таъсир қилувчи омиллар кенг ёритилган.

Китобда:

олий таълимдаги тизимли муаммолар;
меҳнат бозори ва таълим интеграцияси;
хорижий экспертларни жалб қилиш;
меритократия тамойилларини жорий этиш;
талабанинг мустақил таълимини ривожлантириш каби муҳим мавзулар амалий мисоллар асосида таҳлил қилинади.

Муаллиф муаммоларни шунчаки санаб ўтмайди — уларнинг тарихий илдизларини очиб беради ва конструктив ечимларни таклиф қилади.

Мазкур китоб талабалар, ота-оналар, педагоглар, илмий тадқиқотчилар ҳамда таълим соҳасига қизиқадиган барча китобхонлар учун фойдали манба бўлиб хизмат қилади.