Муртазо Раҳматов, Бакридин Зарипов: Янги Ўзбекистон учинчи Ренессанс остонасида

Мазкур асар китобхонларда мамлакатимизда янги ўсиш ва ривожланиш босқичига кўтарилиш борасида белгилаб олинган Янги Ўзбекистоннинг стратегик йўли ҳақида тўлиқ ва мукаммал тасаввур ҳосил қилишга имкон беради.

Китобда янги Ўзбекистонни бунёд этиш борасида амалга оширилаётган шиддатли ислоҳотлар, ривожланишнинг янги босқичида қўлга киритилаётган инқилобий муваффақиятлар ҳақида сўз юритилади.

Президентимиз Шавкат Мирзиёевнинг янги Ўзбекистонни барпо этиш ғояси ва Учинчи Ренессанс асосини яратиш борасидаги ташаббуси бугун реалликка кўча бошлагани, “Янги Ўзбекистон” ва “Учинчи Ренессанс” сўзлари ҳаётимизда ўзаро уйғун ва ҳамоҳанг бўлиб янграётгани, халқимизни улуғ мақсадлар сари руҳлантираётгани таъкидланади.

Шу билан бирга, юртимиз замини тарихда иккита буюк уйғониш даврларига бешик бўлгани, дунё илм-фани ривожига улкан ҳисса қўшган улуғ мутафаккирларни етиштириб бергани маҳорат билан қаламга олинган. Айниқса, Учинчи Ренессансга қўйилаётган пойдевор ва янги тамаддун асослари аниқ далиллар асосида очиб берилган.