Мирзаали Акбаров: Ҳессенинг сўнгги муҳаббати

"Таржиманинг нақадар заҳматли мехнат эканини яхши биламиз. Бироқ мана шу заҳматли меҳнатдан ором топадиган таржимонлар бўлади. Умрини шу иша фидойилик билан бағишлаб, рохат топган мутаржимлардан бири Мирзаали Акбаровдир. Унинг "Хессенинг сўнгги муҳаббати" қиссаси ҳамда афоризмлари таржимоннинг ижодкор сифатидаги яна бир қиррасини кўрсатади", деб ёзади таниқли адабиётшунос олим, профессор Адҳамбек Алимбеков ушбу китоб муаллифи ҳақида. Дарҳақиқат, шундай. Мазкур китобдан ўрин олган қисса ва афоризмларни мутолаа қилиб, бунга ўзингиз ишонч ҳосил қиласиз. Бу йил ўзининг қутлуғ етмиш ёшини
нишонлаётган адибимизга сиҳат-саломатлик, узоқ умр ва ижодда янги зафарлар тилар эканмиз, ушбу нашримиз ҳам сизга манзур бўлади, деб умид қиламиз.