Мери Шелли: Франкенштейн

«Франкенштейн» дунёга машҳур ҳамда моҳияти ниҳоятда теран классик дурдона асардир. Ёзилганига икки асрдан ошган бўлса ҳам китобхонлар томонидан севиб ўқилмоқда. Асарда фалсафий, илмий, маърифий, ахлоқий тушунчалар ва мураккаб персонажлар орқали инсон табиатининг сир-синоатлари ёритилади. Етарлича ўйланмай амалга оширилган ишнинг ёмон оқибатлари, ҳиссиётга берилиб кетиб, ақлий салоҳиятни четга суришнинг салбий натижалари, илм-фан ўз чегарасидан чиқиб кетганида қандай фалокатлар олиб келиши мумкинлиги ҳақида гап кетади.

Китобхон асардан масъулият тушунчасини кенгроқ англай бошлайди. Оила ва яқинларга бўлган муҳаббатнинг кучини теран ҳис қилади. Инсонлар фойдаси учун ўз бахтини қурбон қилишдек юксак фазилат ҳақида фикр юритади.