Мақсуд Шайхзода: Мирзо Улуғбек

Мақсуд Шайхзода "Мирзо Улуғбек" асарида Улуғбекни "инсон-олим-давлат арбоби" сифатида акс эттиришга интилган. Аммо бунинг ўзи ҳам осон ижодий иш эмас эди.

Шубҳасиз, Улуғбек фожиасини келтириб чиқарган бу ҳаётий масалаларни ўзаро алоқада ва узвий боғлиқликда тасвирлаш Шайхзодадан катта маҳоратни талаб этди.

Мирзо Улуғбекнинг ҳам инсон, ҳам олим, ҳам давлат арбоби сифатидаги образини бадиий мужассамлаштириш учун кўплаб персонажларни асар тўқимасига олиб кирди ва бу персонажлар ҳаракат этажак сюжет чизиқларини ишлаб чиқди. Бундай персонажлар тарихий воқеликнинг ўзида сероб бўлишига қарамай, драматург уларни саралаб ола билди ва шу билан бирга бадиий тўқимадан онгли равишда фойдаланиб, яъни тўқима қаҳрамонлар образини асарга дадил жалб эта олди.