Ибн Баттута: Саёҳатнома "Туҳфат ан-нуззор фи ғароиб ал-амсор ва ажоиб ал-асфор"

Ибн Баттута жаҳон маданияти ва тафаккури ривожида Ибн Хурдорбеҳ, ал-Яъқубий, ал-Истахрий, ал-Муқаддасий, ал-Маъсудий, Ибн Ҳавқал каби ўрта аср араб географлари ҳамда Абу Ҳамид ал-Ғартоний, Ибн Фадлон, Ибн Жубайрлардек сайёҳлар орасида ўзининг «Саёҳатнома»си билан алоҳида ўрин тутган машҳур араб сайёҳидир. Унинг «Саёҳатнома» асари ўрта аср мамлакатлари, шаҳарлари, уларнинг халқлари маданияти, турмуш тарзига оид ғоят қимматли, кўп ўринларда ягона маълумотлари билан бошқалардан ажралиб туради. Академик И. Ю Крачковский Ибн Баттутани «Барча мусулмон мамлакатларини кезиб чиққан сўнгги энг буюк сайёҳ», дея эътироф этган эди.