Ҳерманн Ҳессе: Чўл бўриси

Ҳерманн Ҳессе (1877-1962) ХХ аср олмон адабиётининг йирик намояндаларидан бири, адабиёт соҳасидаги халқаро Нобел мукофоти совриндори. Унинг кўплаб роман, қисса, ҳикоялари, шеърлари, сиёсий ва адабий-танқидий руҳдаги асарлари чоп этилган.

Илк бор 1927 йилда босилиб чиққан «Чўл бўриси» романи Ҳерманн Ҳессега оламшумул шуҳрат келтирган теран психологик асардир. «Чўл бўриси»да ўз-ўзини таҳлил қилиш ва ҳал этилмаган маънавий-руҳий зиддиятларни енгиш йўлидаги саъй-ҳаракатлар қаламга олинади. Унда муаллифнинг олдинги асарларида озми-кўпми акс эттирилган Руҳга мурожаат этиш услуби ўзининг якуний ҳамда тўлақонли ифодасини топган.

Ёзувчи Томас Манн ушбу роман ҳақида шундай деб ёзган эди: «Чўл бўриси» экспериментал дадилликда «Улисс», «Фаух Моннаеурс» сингари асарлардан қолишмайдиган роман эканлигини айтиб ўтиришга ҳожат бормикин?

«Чўл бўриси» менга анчадан буён илк бор ҳақиқий китоб мутолааси не эканини қайтадан ўргатган асардир».