Ҳамид Насруллоев: Қалбинг шифоси

Ҳамид Насруллоевнинг асосий касби - врачлик. Табиийки, кўп вақти беморларга шифо бериш билан ўтади. Умидли шикастабанд, яъни травматолог.

Аммо шеърият - унинг жону дили. Ёзганлари ёмон эмас. Ҳам замонавий, ҳам мумтоз анъаналарга суянади. Машқлари орасида шоирона изланишлари ҳосиласи бўлган шеърлар - анчагина.

Мавзулари Ватан, она, ота, табиати, тонг, болалик, ёшлар, севги, вафо, ҳижрон, бахт, тарих, ижтимоий-сиёсий жараёнлар...

Алишер Навоий ғазалларига тахмислар боғлаган, Навоий ва Муҳаммад Юсуф шеърларига назиралар битган. Рус шеъриятидан таржималар қилган.

Айрим шеърларида шифокорона мулоҳазалар ёрқин акс этган ҳам.