Гулчирой Асқарали қизи: Шахсий ҳудудимни ўрганаман

Биласизми, болажонлар биздан тамоман фарқли фикрлашади. Улар учун дунё жуда ҳам кенг. Ва бу дунёдаги ҳамма нарса уларники деб ўйлашади. Бу жуда ҳам яхши.

Аммо, биз уларга баъзи нарсаларни тушунтиришимиз жуда зарурки, буларни  билмасалар ҳаётда баъзи муаммоларга дуч келадилар. Бу шахсий чегара мавзуси. Ҳа, айнан. Бу баъзан ҳатто катталарнинг ҳам муаммоси. Ушбу китоб эса мана шу муаммолардан болажонларни асраш  мақсадида яратилган. Ҳар бир бола ўз чегарасини билиши ва бошқаларникини ҳам ҳурмат қилиши керак ва унинг ҳудудига бегона кимса ўтса ноқулайликни ҳис қилиши ва бу мумкин эмаслигини тушинтира олиши керак. Ўйлайманки, бугунги кунда бу жуда долзарб мавзу. Китоб айнан шу сабаб яратилган ва болаларга қизиқарли бўлиши учун эртак тарзида, ҳайвонлар орқали ҳикоя қилинган.