Габриел Гарсиа Маркес: Машъум замон

Улуғ адибнинг ҳазил ва кескин ижтимоий танқидга бой ушбу романида жамиятдаги шубҳа, сир, коррупция, иккиюзламачилик ва жиноятлар йиринглаб ёриладиган машъум замон тасвирланади. Одамлардаги лоқайдлик янги фожиаларни келтириб чикаравериши маҳорат билан кўрсатиб берилади.
Габриэл Гарсиа Маркес 1927 йил 6 март куни Колумбиянинг Аракатака шаҳарчасида туғилган. Болалигида бобоси ва момосидан халк огзаки ижодига бой ҳикояларни эшитиб улгайган. Бу унинг ижодига катта таъсир кўрсатган. Кейинроқ журналистика билан шуғулланган ва сиёсий фаоллиги сабабли бир неча бор мамлакатдан чиқиб кетишга мажбур бўлган.
Маркес ўз ижодида Лотин Америкасининг тарихий ва маданий хусусиятларини акс эттириб, ҳақиқат вафантазияни маҳорат билан қориштириб юборган. 1982 йили Маркес адабиёт бўйича Нобель мукофотига сазовор бўлган. Унинг асарлари кўплаб тилларга таржима қилинган ва ҳанузгача жаҳон адабиётининг дурдоналари сифатида баҳоланади. Адиб 2014 йил 17 апрелда вафот этган.