Франсуа Рабле: Гаргантуа ва Пантагруел

Франсуа Рабленинг ушбу асари уйғониш даврида буржуазиянинг янги дунёгарашини ифодалайди. Муаллиф ўрта асрнинг эски тарбия системасини қувноқ кулги ва заҳарханда билан акс эттиради, ўрта аср фанлари устидан, монахлар ҳаётидан, папани католиклар беҳад ардоқлаб, унга сиғинишларидан кулади.
"Гаргантуа ва Пантагруел" - уйғониш даврининг энг ёрқин маданий ёдгорликларидан бири, франсуз адабиётининг эса ниҳоятда машҳур асарларидандир. Франсуз ижтимоий онги ва адабиёти тараққиётида бу китоб катта рол ўйнади. Рабле кулган ижтимоий воқеликнинг кўпгина томонлари буржуа жамиятида ҳали ҳам сақланмоқда, шунинг учун ҳам унинг бу ҳажвияси ҳамон ўз аҳамиятини йўқотмай келмоқда.