Фаридуддин Аттор: Тазкират ул-авлиё

«Тазкират ул-авлиё»

Буюк мутасаввиф шоир, мутафаккир ва тазкиранавис Фаридуддин Атторнинг ушбу асари насрда битилган ягона ва машҳур асар бўлиб, унда тасаввуф шайхлари, авлиёуллоҳларнинг ҳаёти, кашфу кароматлари, турли тасаввуфий истилоҳлар в шариат, тариқат, маърифат, таваккул, ризо, сабр, шукр кабиларга уларнинг қарашлари баён этилган.

Тазкирада алломаларнинг ўз илмий-назарий қарашлари ва таълимотини асослаш, тасдиқлаш мақсадида тарихий воқеалар, ҳаётий тажриба, ўтмиш машойихларининг ибратли кечмишлари ҳикоя, масал ва нақллар билан тасниф этилган. Китобдан ўрин олган тарихий лавҳалар жуда жонли ва таъсирчанлиги билан асарни юксак бадиий ижод намунаси даражасига кўтарган. Ушбу асар тарихий манбадан кўра бадиий асар сифатида қимматли ҳамда тасаввуф тарихи ва назарияси, амалиётини ўрганишда жуда катта аҳамиятга эга.

Китоб ўзбек тилига таржима қилинган олдинги нашрларидан мукаммаллиги ва аслиятга ҳамоҳанглиги билан ажралиб туради.

Ушбу китоб Ўзбекистан Республикаси Вазирлар Маҳкамасининг 2010 йил 7 октябридаги «2010 – 2020 йилларда номоддий маданий мерос объектларини муҳофаза қилиш, асраш, тарғиб қилиш ва улардан фойдаланиш Давлат дастури» асосида Ўзбекистон Республикаси Вазирлар Маҳкамаси ҳузуридаги Дин ишлари бўйича қўмитанинг 2012 йил 26 декабрдаги 2883 -сонли хати билан нашрга тавсия этилган.