Эргаш Очилов: Нафис мажлислар (I)

Халқимизнинг азалдан улуғ инсонларга, фавқулодда шахсларга, азиз-авлиёларга меҳру муҳаббати, сидқу ихлоси, ҳурмату эътиқоди баланд бўлиб келган. Ана шу талаб-эҳтиёжни, хоҳиш-истакни ҳисобга олиб ташкил этилган “Нафис мажлислар” туркумининг ушбу илк тўпламидан Абу Абдулло Рудакий, Умар Хайём, Аҳмад Яссавий, Саъдий Шерозий, Жалолиддин Румий, Ҳофиз Шерозий, Мавлоно Лутфий, Алишер Навоий каби Шарқ сўз санъати забардаст намояндаларининг ибратли ҳаёти, серқирра фаолияти, бетакрор ижоди, юксак маҳорати, асарларининг мавзу кўлами, образлар олами, бадиий таровати, асрларни бўйлаётган шуҳрати, ўқиб-ўрганилиши, таржималари ва нашрлари ҳақида мухтасар маълумот берувчи илмий-оммабоп рисолалар ўрин олган.