Дилором Каримова: Пўртана (Аждарҳо Комида)

Қўлингиздаги китобни инсоният тарихидаги энг шонли ва энг мураккаб давр-ХХ асрнинг бир оила ҳаётида акс этган қайғулари, қувончлари солномаси дейиш мумкин. Ўтган юзйилликда халқимиз бошидан кечирган йирик ва мудҳиш воқеа-ҳодисалар алоҳида олинган инсонлар тақдири мисолида режиссёрнинг нигоҳи, ёзувчининг назари, олимнинг таҳлили, файласуфнинг мушоҳадаси... энг муҳими, чўнг инсон қалби билан бадиий идрок этилган. Китобни мутолаа қиларкансиз, кўнглингиз тўлқинланиб, кўзингиз ёлқинланиб, шуурингиз сергакланиб, тафаккурингиз тиниқлашиб боради. Ўзингизга, умрингизга ва ҳаётингизга бошқача ракурсдан боқасиз. Биз бунга ишонамиз!