Дилфуза Ҳайдарова: Мен бахтли ва соғлом яшайман

Ушбу китоб инсоннинг ички дунёси, унинг фикрлари, ҳис-туйғулари ва ҳаётимизга таъсир қилувчи ҳолатлар ҳақидадир. Ҳар куни инсон қўрқув, хавотир, хафалик, айбдорлик ҳисси, ички зиддиятлар ва турли кечинмалар билан тўқнаш келади. Кўп ҳолларда айнан шу ҳолатлар руҳий азоблар, ҳаётдаги қийинчиликлар ва ҳатто жисмоний касалликларга сабаб бўлади.

Биз кўпинча муаммоларимизнинг сабабини ташқи омиллардан — шароитлардан, одамлардан ёки тақдирдан излаймиз. Аммо ҳақиқий сабаблар аксар ҳолларда ўзимизда — фикрларимизда, ишончларимизда, қўрқувларимизда ва ҳаётга бўлган муносабатимизда яширин бўлади. Ушбу китоб инсонга ана шу ички жараёнларни англашга, уларнинг моҳиятини тушунишга ва ўз ҳолатини бошқаришни ўрганишга ёрдам беради.