Даврон Ражаб: Овоздаги ранглар (Шеърлар)

Ҳар бир ҳарфда, ҳар бир товушда вақтнинг тинимсиз сувратларини илғаш мумкин. Вақт ҳам бамисоли тўхтаб, инсоннинг туйғуларига маҳлиё бўлганча, ўз  йўлида аланглаб давом этади. Ҳар бир шеър лаҳзаларнинг ана шундай ғалаёнида таркиб топаётган мўъжизалар манзарасидир. 
   Даврон Ражабнинг шеърларидаги ичкин бир руҳий боқимсизлик, шаклий озодликни сўз санъатининг битилмаган қонунлари – маънавий гўзалликнинг саноқсиз товланишларидаги жилваларга муҳтож юракларгина идрок этади.