Чингиз Абдулаев: "Борса келмас"дан қайтганлар

Махсус хизматларнинг энг мураккаб йўналишларидан бири бўлган ҳарбий разведка! Бу соҳада игнанинг тешигидан ўтадиган моҳир уддабуррон, тоғ ва дарёлардан ошиб-ҳатлайдиган жасур, матонатли ўғлонлар хизмат қилади. Улар ўта хатарли вазиятларда ҳам ўзларини тута биладиган, муҳим қарорларни тезкор қабул қилиш кўникмасига эга. жисмонан бақувват, доим жанговар шай, билим ва салоҳиятли бўлиши керак. Акс ҳолда, яъни бундай сифатларга эга бўлмаса, давлат манфаатларига хизмат қиладиган ўта муҳим ва махфий топшириқларнинг уддасидан чиқолмайди.

Асарда собиқ иттифоқ парчаланиб кетганидан сўнг Россия Федерацияси ташқи разведка хизмати томонидан Афғонистонда ўтказилган ана шундай моҳияти фақат разведкачилар гуруҳи раҳбаригагина маълуму, қолганлардан мутлақо махфий тутилган жуда муҳим жанговар операция, бу жараёнда босиб ўтилган йўл машаққатлари, қатор тўқнашувлар тафсилотлари, воқеалар ривожи билан боғлиқ яқин тарихдаги хатолар, хотиралар, инсонлар тақдири ва АҚШ махсус хизматлари билан хуфиёна рақобат ҳақида ҳикоя қилинади.