Азиз Несин: Калтаксиз туролмайман

Азиз Несин халқимиз севиб мутолаа қиладиган турк ёзувчилари ичида энг биринчи сафда турадиган адиб. Зеро, бошқа тилларга энг кўп ўгирилган тўрт турк ёзувчисидан бири Азиз Несин экани бежиз эмас. Азиз Несиннинг севимли қаҳрамонлари турфа кишилардир, хусусан улар майда амалдор, зиёли қатлам, иш излаётган камбағал, яъни, бир сўз билан айтганда халқдан чиққан одамлардир. Шунинг учун ҳам ёзувчининг асарлари мароқли, уларнинг ҳар бири аллақачон қўлимиздан қўймайдиган китобларимизга айланган. Ёзувчининг 2010-йилда нашр этилган асарларининг умумий адади 8 миллион нусхадан ортиқни ташкил этди. Ушбу рақамларнинг ўзи ҳам Азиз Несиннинг қанчалик машҳурлигини кўрсатиб турибди. Адибнинг энг сара ҳикоялари жамланган янги тўплами ҳам Сизга яхши йўлдош бўлади, деган умиддамиз.