Асрий анъаналар асосида Турк ошхонаси

Бизга тарихан илдизлари туташ бўлган туркларнинг ўзига хос ошхона маданияти, таомлари дунёга машҳур. Ундан ўзимизнинг таомларимизга айнан ўхшашларини ҳам, мутлақо ўзгачаларини ҳам топишимиз мумкин.

Туркия Президенти Режеп Таййип Эрдўғаннинг рафиқаси Эмина Эрдўған бошчилигида тайёрланган мазкур китобда соғлиқ учун фойдали ва ортиқча исрофгарчиликсиз тайёрланиш жиҳатлари билан ажралиб турадиган таомлар ва егуликлар ўрин олган. Китоб устида машҳур ошпазлар, академиклар ва кўплаб мутахассислар ишлаган. Тарихий турк ошхонасига мансуб таомлар рецепти ва тайёрланиш таърифлари келтирилган. Таъкидлаш жоизки, рецептларда таомларнинг соғлиқ учун фойдали экани, анъанавий, исроф қилмасдан тайёрланиш хусусиятларига эътибор қаратилган.