Артур Конан Дойл: Шерлок Холмс ҳақида ҳикоялар

Артур Конан Дойл (1859-1930)- инглиз ёзувчиси, мутафаккир ва публицист, тиббиёт ва ҳуқуқ фанлари доктори, жаҳон адабиётида детектив ва саргузашт жанрларининг беназир билимдони сифатида танилган машҳур адиб.

Ижодини "Сэсасса водийсининг сири" (1879) ҳикояси билан бошлаган. Конан Дойлга бош қаҳрамони изқувар Шерлок Холмс бўлган детектив жанрдаги "Баскервиллар ити", "Даҳшатлар водийси" саргузашт қиссалари ва "Шерлок Холмс саргузаштлари" ҳикоялар тўпламлари беқиёс шуҳрат келтирган.

Шерлок Холмс ҳақидаги ажойиб-ғаройиб ҳикоялар фавқулотда ҳодисаларга бойлиги билан катта-ю кичик китобхонларнинг эътиборини қозонган. Кутилмаган вазиятларда ўзни йўқотмаслик, мустаҳкам ирода, ақл-заковат - бошқаларнинг мушкулини енгиллаштиришни ҳаётининг мазмунига айлантириб олган изқувар таҳсинга лойиқ фазилатлидир.