Анвар Обиджон: Аламазон ва унинг пиёдалари

Хилма-хил жанрларда ижод қилувчи адиб сифатида танилган Анвар Обиджон болалар учун ҳам, катталар учун ҳам қатор қиссалар, шеърлар, достонлар, ҳикоялар, пьесалар битган.

Анвар Обиджоннинг драматургиядаги фаолияти болаларга аталган “Қўнғироқли ёлғончи” номли комедияси 1983 йилда Тошкент Ёш томошабинлар театрида саҳналаштирилишидан бошланди. Шундан эътиборан ушбу театрда ҳамда Фарғона, Қарши, Қўқон, Гулистон театрларида унинг “Паҳлавоннинг ўғирланиши”, “Топсанг – ҳай-ҳай” («Қоринботир)», Самозванетс” (“Қўнғироқли ёлғончи”нинг русчаси), “Наврўз ва Бойчечак”, «Тўтиқул», «Аламазон», «Мешполвон» каби пьесалари қўйилди. «Ўзбекфилм» киностудиясида бу адиб сценарийлари асосида “Тилсимой – ғаройиб қизалоқ”, “Даҳшатли Мешполвон” комедиялари кино тасмасига туширилган.

Ушбу тақдим этилаётган "Аламазон ва унинг пиёдалари" китоби эса она юртнинг жасур фарзандларига бағишланган.