Анвар Ботир: Уч

Кўзмунчоқ! Тилимизда шундай самимий сўз бор. Ота-бобо- ларимизнинг кўзга яқин, келишган фарзанд-у набираларига қарата айтиладиган "Кўз тегмасин" иборасини кўп эшитганмиз. Эҳтимол, шу сўздан илҳомланиб Ўзбекистон халқ шоири Сирожиддин Саййид ҳам китобларидан бирини "Сўзмунчоқ" деб номлагандир.
Адабиётимизда ҳам ана шундай ўсиб келаётган кўркам ниҳолларнинг боғга айлангулик бўйи бор. Бу боғларнинг ҳосили мўл бўлишини ният қилиб, бир туркум китобларни "Сўзмунчоқ” рукни остида нашр этишни режа қилдик.
Анвар Ботир шеър фақат кўнгил изҳори эмас, балки ҳаёт ҳақиқатларининг ўлмас ҳикмати эканини англаган шоирлардан. Унинг шеърла рида юрак уриши эшитилади, хос ва нозик топилмаларнинг ҳарорати сезилиб туради. Мазкур ашъорларнинг энг катта ютуғи - соддагина сўзлар қанотида чуқур маъноларни етказиш санъатидир. Шоирнинг шеърларида кутилмаган ташбеҳлар, оҳорли ҳислар, синовдан ўтган хулосалар мавжуд. Ўқувчи ана шу ҳисларнинг обитоби билан яшаб боради.