Алишер Навоий: Хамса (Маʼноларининг назмий баёни)

«Хамса» буюк бобокалонимиз Алишер Навоий ижодининг гултожи ҳисобланади. Мана, бир неча асрдан буён бу бебаҳо асар сўз санъати мухлисларини ҳайратга солиб келмоқда. Лекин вақт таъсирида тилимизда юз берган ўзгаришлар замонавий ўқувчининг мазкур асарни тушунишини қийинлаштириб қўйган. Ушбу китобда Навоий «Хамса»си достонлари мазмуни замонавий ўзбек тилига назмий баён қилинган ҳолда берилмоқда. Китобдан адабиёт, тилшунослик, тарих, фалсафа фанлари мухлис ва мутахассислари, профессор-ўқитувчилар, талабалар ўқувчи ёшлар фойдаланишлари мумкин.