Абу Исо Термизий: Саҳиҳи Термизий: танланган ҳадислар

Ислом маданиятининг шаклланишига, оламшумул тараққиётга эришувига бизнинг ота-боболаримиз ҳам катта ҳисса қўшганлар. Дунёнинг маданият бешиги, қадим ватанимиз Туркистон тупроқларида жуда кўп олимлар, қаҳрамонлар, жумладан, атоқли муҳаддислар етишгани билан фахрлантиради. Қуръони Каримдан кейинги асосий шаръий манбалар ҳисоблангувчи ҳадис китобларини таълиф қилган ватандошларимиз Имом Бухорий, Имом Термизий, Имом Насоий, Имом Марвазий, Имом Башшор каби мухаддислар асарларини нашр қилиш, ўрганиш, уларнинг айтганларига амал қилиш бу улуғ аждодларимиз билан фахрланишимизнинг бир белгиси бўлмоғи керак.

Абу Исо Термизийнинг шоҳ асари - «Саҳиҳи Термизий»дан танлаб олинган бу ҳадисларни узоқ йиллар диний соҳада хизмат қилган марҳум шайх Абдулғани Абдуллоҳ асл нусхадан таржима қилган. Матннинг ҳам араб, ҳам ўзбек тилида берилиши ўқувчига ҳадисларни янада чуқур ўрганиши учун имкон яратади.