Тозагул Жуманова: Мумкинистон мамлакатига саёҳат (Tarbiyachi)

Жажжи қаҳрамонимиз Аброржон шунақанги тўполончи, унинг устига, компьютер ўйинларига муккасидан кетганки, асти қўяверасиз. Унга қолса, дарсга ҳам бормай, уй юмушларида онасига ёрдам бермай, кун бўйи ўйиндан кўз узмаса, ота-онаси ва ўқитувчилари уни тергамаса.

Буни қарангки, кунларнинг бирида шундай ҳам бўлди: тушидами ёки ўнгида ғаройиб бир мамлакатга бориб қолди. Қувонарлиси, у ерда ҳамма нарса мумкин, аммо уйга қайтишнинг иложи йўқ эди. Қизиқ, Аброржон ўзи орзу қилган бу мамлакатда яшай олармикан? Ҳар қандай нарсанинг мумкинлиги уни хурсанд ва бахтли қила олармикан?