Quloqchin – zamonaviy kishi uchun tengsiz aksessuar

Hozirda kompyuter yoki smartfon uchun quloqchini bo‘lmagan kishini topish dargumon. Bu – ikkita ambushyurli ixcham aksessuar bo‘lib, asosan musiqa tinglashga mo‘ljallangan. Biroq mazkur devaysning vazifalari shuning o‘zi bilangina cheklanib qolmaydi. Uning funksionali yetarlicha keng va turli-tuman. Tugmachali variantlari smartfonni qo‘lga olmasdan ovozni va audioyo‘lakchani boshqarish imkonini beradi. Mikrofonli turlari yordamida esa telefonda yoki messenjerda ovozli gaplashish mumkin.

Quloqchin ixtiro qilinganidan buyon uning ko‘plab turlari va modellari ishlab chiqilgan. Ular ulanish usuli, tuzilishi, o‘lchami, dizayniga ko‘ra o‘zaro farqlanadi. Bunday xilma-xillik evaziga har kim ishlatish maqsadidan, mablag‘idan va shaxsiy dididan kelib chiqib o‘ziga mos modelini tanlay oladi.

Zamonaviy quloqchinlarning afzalliklari

Audio aksessuarlar quyidagi ijobiy jihatlarga ega:

  • Ixchamlik – hatto to‘liq o‘lchamli modellar ham akustika tizimidan kichkina. Siz istalgan paytda atrofdagi begona tovushlardan bezovta bo‘lmasdan musiqa tinglashingiz va video tomosha qilishingiz mumkin.

  • Universallik – aksariyat quloqchinlar istalgan texnika jihoziga mos tushib ketaveradi. Bitta garnituraning o‘zini smartfonga, planshetga, leptopga, televizorga, kompyuterga ulash mumkin.

  • Modellar bo‘yicha keng tanlov va narxlar xilma-xilligi – elektronika ishlab chiqaruvchilar tovush yangratuvchi ixcham devayslarning turli modellarini keng tanlov asosida taklif etib kelishadi. Har kim talab qilinuvchi xususiyatlaridan va o‘z mablag‘idan kelib chiqib, o‘ziga mos variant tanlay oladi.

  • O‘ziga xos dizayn – ishlab chiqaruvchilar bu aksessuarlarning nafisligi ustida ham bosh qotirishgan. Ular form-faktoriga, o‘lchamiga va rangiga ko‘ra o‘zaro farqlanadi. Xaridorlar o‘z didiga qarab variant tanlashi mumkin. Original devays sizning qiyofangizga o‘ziga xoslik qo‘shadi.

Simli va simsiz quloqchin – qay biri yaxshi?

Ulanish turiga ko‘ra quloqchinlar ikkita katta guruhga bo‘linadi – simli va simsiz. Bulardan birinchisi – janr klassikasi. Ularda akustikani qurilmaga ulash uchun shtekerli kabel qo‘llanadi. Bunday tizim bir qator afzalliklarga ega:

  • uzilish va qotib qolishlarsiz barqaror aloqa;

  • quvvatlash zarurati yo‘qligi, ishlash uchun quvvatni bevosita smartfon yoki noutbukdan olishi;

  • ulanish osonligi;

  • arzonligi.

 

Biroq kabel chalkashib va buklanib qolish xususiyatlariga ega, bular esa kontaktlarning shikastlanishiga va ovoz sifati pasayishiga olib kelishi mumkin. Ba’zan esa ambushyurlar ham ishlamay qolishi hollari uchrab turadi. Shu noqulayliklari tufayli ko‘pchilik simsiz texnologiyalarga o‘tib olgan. Simsiz quloqchinlarni gadjetlarga ulashda quyidagi aloqa standartlari qo‘llanadi:

  • Bluetooth – eng talabgir texnologiya, u ko‘plab tur gadjetlarda joriy etilgan: smartfonlar, planshetlar, noutbuklarda. Unda kanal parol bilan himoyalangan, bu esa ma’lumotlar sizib chiqishining oldini oladi. Ta’sir radiusi taxminan 10 metrni tashkil etadi, shuning evaziga siz hatto smartfoningiz qo‘shni xonada quvvat olayotgan payti ham undan musiqa tinglay bilasiz. Bluetooth-quloqchin devorlar va burchaklar kabi to‘siqlardan ham cho‘chimaydi – uning yana bir katta ustunligi shunda.

  • Infraqizil aloqa – mazkur standart televizorlarga va avtomobillar audiotizimlariga mo‘ljallangan aksessuarda qo‘llanadi. Bu aloqa kanaliga begona elektromagnit to‘lqinlari xalaqit bera olmaydi. Yana bir afzalligi – hamyonbop narxidir. Salbiy jihatlaridan esa to‘siqlarni oshib o‘ta olmasligi hamda ta’sir radiusi kichkinaligini aytib o‘tsa arziydi.

  • Radiokanal – signalning uzoq masofaga yetishi a’lo darajada, biroq shovqinlar va begona tovushlar bo‘lishi mumkin.

Tuzilish jihatlari

Quloqchinlar tashqi ko‘rinishiga ko‘ra o‘zaro farqlanadi. Ularni beshta yirik guruhga ajratish mumkin:

  • TWS – ikkita alohida simsiz ambushyurdan iborat, ular keys (g‘ilof)da saqlanadi. Keysning o‘zi quvvatlovchi dok-stansiya vazifasini ham bajaradi. Bunday komplektatsiya tufayli ambushyurlarni o‘zingizga qulay paytda zaryadlay olasiz. G‘ilofning o‘zini ham elektr manbaidan quvvatlab turish talab etiladi.

  • Tiqin – o‘zaro sim bilan bog‘langan ikkita ambushyurdan iborat ixcham aksessuar. Bunday modifikatsiyalar ixchamligi va qulayligi bilan ajralib turadi.

  • Vakuumli – tiqin-quloqchindan farqi – bularda qo‘shimcha nasadkalar mavjud, shuning evaziga ambushyurlar quloq kanali ichiga yanada chuqurroq kirib boradi. Vakuumli variantlar – smartfon egalari orasida eng keng ommalashgan quloqchinlardir. Ular yaxshi ovoz yangratadi va chet tovushlarni to‘sadi. Bundan tashqari, vakuumli quloqchinlar quloqqa mustahkam o‘rnashadi, shu sababli sport mashg‘ulotlari paytida qo‘llashga juda qulay.

  • Qoplovchi – tiqin shaklidagi va to‘liq o‘lchamli quloqchinlarning oralig‘idagi variant. Uning ikki ambushyuri yarim aylana shaklidagi gardish orqali o‘zaro bog‘langan bo‘ladi. Bu gardish boshga yoki bo‘yinga kiyiladi. Qoplama quloqchinlarning asosiy xususiyati – ular quloq kanali ichiga tiqilmaydi, balki quloq chig‘anog‘i ustiga qoplab kiyiladi. Bunday modellar yaxshi tovush uzatadi va shovqin to‘sadi.

  • To‘liq o‘lchamli – eng katta quloqchin turi. Qoplama modifikatsiyalar kabi ikkita katta ambushyur o‘zaro bog‘langan, ammo sim bilan emas, balki metall yoki shu kabi qattiq yoy bilan. Shuningdek, hajmi va vazni ham ulardan katta. To‘liq o‘lchamli quloqchinlar eng oliy sifatli tovush taratish va shovqinni to‘sish xususiyatiga ega. Bunday modellar uyda yoki ofisda ishlatishga ko‘proq mos keladi, safarlar uchun esa boshqa tur garnitura olgan ma’qul.

Quloqchin qanday tanlanadi

Xarid oldidan bu devaysni nimaga mo‘ljallab olayotganingizga aniqlik kiriting. Quyidagicha aksessuarlar mavjud:

  • smartfon va planshet uchun;

  • noutbuk uchun;

  • televizor uchun;

  • kompyuter uchun;

  • geymerlar uchun;

  • sport uchun;

  • namdan himoyali.

 

Studiyalarga mo‘ljallangan professional modellarni alohida ajratib ko‘rsatsa arziydi. Ular ovoz yozish studiyalarida qo‘llanadi. Yana tovushni suyak orqali o‘tkazuvchi quloqchinlar ham bor, ular ancha kam uchraydi.

Smartfondan yoki boshqa istalgan qurilmadan musiqa tinglash uchun quloqchin tanlashda quyidagi kabi parametrlarini inobatga olish zarur:

  • Tovush izolyatsiyasi (shovqin to‘sish) – faol yoki nofaol bo‘lishi mumkin. Shovqin to‘smaydigan garnituralarda ovoz sifati past bo‘ladi. Hamisha tashqi ovozlar va shovqinlar xalaqit berib turadi. Faol shovqin to‘suvchi quloqchinlarning esa narxi yuqori, shunga yarasha ovoz yangratishi ham sifatli bo‘ladi. Bunday qurilmalar begona tovushlar kelishini nazorat qilib, ularni to‘sib turadi. Faol shovqin to‘suvchi aksessuardan ko‘chada foydalanganda ehtiyot bo‘lish darkor, chunki siz atrofdagi boshqa tovushlarni eshitmaysiz. Masalan, yaqinlashib kelayotgan avtomobil ovozini payqamay qolasiz.

  • Mikrofon mavjudligi – bunday quloqchinlar garnitura deyiladi. O‘zidagi mikrofoni tufayli yuzer smartfonni cho‘ntagidan chiqarmasdan telefon yoki messenjer orqali gaplashish imkoniga ega bo‘ladi. Garniturada odatda kiruvchi qo‘ng‘iroqlarga javob berish hamda musiqani almashtirish uchun tugmachalar bo‘ladi.

  • Audio xususiyatlari – bunga sezgirligi va chastota diapazoni kiradi. Birinchi parametr – ovoz balandligi, u detsibel (Db) bilan o‘lchanadi. Bu ko‘rsatkich qancha yuqori bo‘lsa, audio sifati shuncha yaxshi bo‘ladi. Chastota esa tovushlar spektrini ifodalaydi. Uning pastki chegarasi 10 Db bo‘lishi, yuqorisi esa bir necha o‘n mingga yetishi mumkin. Basli modellar maksimal darajada keng diapazonga ega.

Qo‘shimcha funksiyalari va ranglari

Quloqchin narxi uning faqat tuzilishi va ovoz sifatigagina bog‘liq bo‘lmaydi. Qiymatga quloqchinning qo‘shimcha jihozlanishi ham katta ta’sir ko‘rsatadi. Quyidagicha variantlar mavjud:

  • ovoz kuchaytirgichli – yangrash quvvatini oshirib beradi;

  • treklarni almashtiruvchi tugmachali – ular yordamida telefon yoki MP3-pleerni cho‘ntakdan chiqarmasdan pleylistni boshqarish mumkin;

  • hajmli tovush yangratish tizimli – u geymerlarga mo‘ljallangan modellarda bo‘ladi. Mazkur texnologiya portlash, otish va boshqa tovushlarni realistik tarzda uzatadi;

  • chiroqchali – aksessuar dizaynini qiziqarliroq qiladi va qorong‘ida ishlatishni qulaylashtiradi;

  • olinuvchi kabelli – bu jihoz simsiz quloqchinlar jamlanmasida bo‘ladi. 

 

Musiqa tinglash aksessuari – kishi qiyofasining bir qismidir. Elektronika mahsulotlari ishlab chiqaruvchilar shuni hisobga olib, quloqchinlarning tashqi ko‘rinishi o‘ziga xos bo‘lishi ustida bosh qotirishgan. Mazkur qurilmalar turli ranglarda chiqariladi, quyidagi variantlari ommabop:

  • oq;

  • qora;

  • qizil;

  • ko‘k;

  • yashil.

 

Quloqchinning ayrim elementlari kumushrang yoki tillarang bo‘ladi. Bolalarbop modellar yorqin ranglar va hajmli elementlar bilan bezatiladi. Deylik, qizchalarga atalgan variantlarida mushuknikidek quloqchalar bo‘ladi. O‘g‘il bolalar uchun esa superqahramonlar rasmlari tushirilgan variantlar bor.

Ommabop brendlar

Sifat va narx asosan ishlab chiqaruvchiga bog‘liq bo‘ladi, shu boisdan taniqli markalarga mansub qurilmalarni tanlagan ma’qul. Ular tarkibiy qismlarning sifatli bo‘lishi va ishonchli terilishiga kafolat berishadi. Asaxiy internet-do‘konidan siz quyidagi brendlarning quloqchinlarini sotib olishingiz mumkin:

  • JBL;

  • Hoco;

  • Sony;

  • Samsung;

  • Huawei;

  • Apple;

  • Xiaomi.

 

O‘zbekiston bo‘ylab yetkazib berish bir necha kun davomida amalga oshiriladi. Poytaxt ahli esa tovarni buyurtma qilgan kunning o‘zidayoq olishlari mumkin.

 
Qo`llab-quvvatlash xizmati
Chat turini tanlang!