Noutbuklar – model qanday tanlanadi

Noutbuk xuddi o‘zidek ko‘rsatkichlarga ega bo‘lgan statsionar kompyuterdan funksionalligi bo‘yicha umuman qolishmaydi. Lekin uning asosiy afzalliklari bor, bu – mobillik va ixchamlik. Agarda barcha talablaringizni qondiruvchi parametrlarini to‘g‘ri tanlay olsangiz, Toshkentda noutbuk sotib olish oson kechadi. Sotib olinayotgan noutbukka xaridor qo‘yadigan talab va vazifalardan kelib chiqib, uning turli xususiyatlari muhim bo‘lishi mumkin.

Ommabop brendlar va ularning farqlari

Har bir ishlab chiqaruvchi innovatsion yechimlar asosida, original dizaynga ega bo‘lgan ishonchli leptoplar yaratishga intiladi. O‘zbekistonda quyidagi texnika brendlari ko‘proq ommabop:

  • Acer – “narx – sifat” mutanosibligiga ko‘ra yaxshi texnika jihozlarini chiqaradi.

  • Asus – ishonchli tizim platalarini ishlab chiqarishi bilan tanilgan.

  • Apple – o‘z operatsion tizimi hamda yoritiluvchi klaviaturaga ega dizayni bilan ajralib turadi.

  • Dell – mahsulotlarining uzoq vaqt xizmat qilishiga urg‘u berishi tufayli ommabop.

  • Hewlett-Packard – original dizaynli, narxi xususiyatlariga mos gadjetlar ishlab chiqaradi.

  • Honor – devayslarining yuksak avtonomligiga va batareyalarining sig‘imdorligiga urg‘u beradi.

  • Huawei – smartfonlar bilan oson integratsiyalashuvchi leptoplari tufayli bozorni zabt etmoqda.

Ushbu brendlardan har biri o‘zining kuchli tomonlariga ega. Ultrabuk sotib olayotganda, oldindan o‘rnatilgan Windows yoki MacOS operatsion tizimi mavjudligidan tashqari, shu jihatlariga ham qarash zarur.

Protsessorlarning parametrlari

Kompyuterdagi asosiy unsur – bu protsessor hisoblanadi, shuning uchun uning ko‘rsatkichlari xarid haqidagi qarorga ta’sir ko‘rsatadi. Noutbuk ishlab chiqaruvchilar ko‘proq quyidagi firmalarning chipsetlarini qo‘llashadi:

  • Intel – “og‘ir” grafik va ovozli fayllarga ishlov beruvchi baquvvat dasturlar uchun optimizatsiya qilingan. Mazkur brend uchta turkumda protsessorlar chiqaradi – hamyonbop Celeron, qudratli Core va o‘rtacha Pentium.

  • AMD – o‘yin grafikasini o‘ta aniq aks ettirishi tufayli geymerlar shuni ma’qul ko‘rishadi. Mazkur protsessorlarning samaradorligi A yoki E harflari hamda chastotani bildiruvchi raqamlar bilan belgilanadi.

  • Apple M – brendning o‘z ishlanmasi bo‘lib, kompaniya o‘zining barcha texnikalarini to‘liq shu chipsetlarga o‘tkazmoqchi.

Agarda bir xil xususiyatlarga ega bo‘lgan AMD va Intel protsessorlari o‘zaro taqqoslansa, ikkinchisi operatsiyalarning katta tezligini namoyon etadi, ammo birinchisi narxi hamda tasvir sifati bo‘yicha g‘olib keladi. Apple leptoplarini tezkorlik bo‘yicha solishtirsa, Intel protsessorlilari emas, balki M-chipsetlilari yutib chiqadi

Chastota va tezlik muvozanati

Protsessorlarning chastotasi va tezkorligi o‘zaro to‘g‘ri proporsionaldir – bulardan birinchisining ko‘rsatkichi qanchalik katta bo‘lsa, tezkorlik ham shuncha yaxshi bo‘ladi:

  • 1,6 GGs – internet-serfing va matn bilan ishlovchi ofis dasturlariga yetarli;

  • 2–3 GGs – barqaror onlayn ishlash hamda grafik va videofayllar bilan bog‘liq amallar uchun optimal;

  • 3 GGs.dan yuqori – jiddiy o‘yinlar hamda video, foto va ovoz ustidagi professional ishlarga mo‘ljallangan.

Sizga shunchaki kerak bo‘lmagan opsiyalar uchun ortiqcha haq to‘lab yurmaslik uchun, kerakli xarakteristikalarga ega noutbuk tanlay bilish muhim.

Protsessorning yadrolari soni

Tajribasiz foydalanuvchilar ushbu ko‘rsatkichga katta e’tibor qaratadilar, buning o‘zlariga nimaga kerakligini uncha tushunmaydilar ham. Ba’zida hatto qudratli va qimmat 16 yadroli protsessorlar ham o‘zining potensialini to‘liq namoyon eta olmasligi mumkin.

Yadrolar soni muayyan vazifalarga mas’ul, bu xususiyatni batafsilroq ko‘rib chiqamiz:

  • 2–4 – hujjatlar bilan ishlash, ijtimoiy tarmoqlar monitoringi va uyda onlayn foydalanishga mo‘ljallangan.

  • 6–8 – «og‘ir» dasturlar va o‘yinlarga moslangan.

  • 10–14 – audio hamda videomontaj va boshqa turdagi katta hajmli kontent bilan ishlashga mo‘ljallangan.

Agarda parametrlari noto‘g‘ri tanlangan bo‘lsa, yadrolar soni bir xil bo‘lgan protsessorlarga ega ikkita leptop ham turlicha qudratga ega bo‘lishi mumkin.

Ekranlar turlari va xossalari

To‘g‘ri tanlangan monitor – bu nafaqat ranglarning jonli uzatilishidan rohatlanish, balki ko‘z uchun xavfsizlik ham deganidir. Tanlashning asosiy mezonlari – displeyning diagonaliga o‘lchami hamda matritsa turidir. Bulardan ikkinchisi borasida keng tarqalgan TN+Film, IPS hamda OLED variantlari o‘zlarining narxi va tasvir sifatiga ko‘ra farqlanadi. Har birining xususiyatlarini ko‘rib chiqamiz:

  1. TN+Film – tasvir aniqligiga kuchli talablar qo‘yilmaydigan arzon gadjetlarda qo‘llanadi. Bunday leptoplar asosan yengil fayllar bilan ishlashda qo‘llanadi.

  2. OLED – maksimal ko‘rish burchagiga ega va grafika bilan professional darajada ishlash imkonini beradi.

  3. IPS – yuqoridagi ikkitasi oralig‘idagi matritsa. Xaridorlar fikrlariga ko‘ra, aynan IPS-ekranli noutbuklar eng optimal variantdir.

«Jonli» rang uzatilish yoki ko‘zlar uchun qulaylik

Monitorlar jilosiz (“matoviy” – xira) va jiloli (“glyanseviy” – yaltiroq) turlarga bo‘linadi. Hujjatlar bilan ishlash uchun jilosizlari ko‘proq mos keladi. Ular ko‘zga kamroq yuklama soladi va butun ish kuni davomida kompyuter qarshisida bo‘lish imkonini beradi.

Jiloli displey esa yuqori darajada kontrastligi va jonli ranglar bilan hayratga soladi. Video hamda fotografiya tomosha qilish uchun shunisi eng zo‘r variant. U hatto kichik o‘lchamda ham xuddi uy kinoteatri darajasida aniq tasvir bo‘lishini ta’minlaydi.

Bunday displeylarning katta kamchiligi – yuzasining yaltiroqligi, quyosh nurlari tushganida ko‘zgudek bo‘lib qolishi va ko‘zga yomon ta’sir qilishidir. Bu noqulaylikdan qutulishga yiltillashga qarshi qatlam yordam beradi. Ekran panelining tozaligi uchun ehtiyotkorlik talab etiladi, chunki sip-silliq yuzaga barmoq sal teginsa ham sezilarli iz qoladi.

Ko‘rish va tasvir detallari

O‘lchami diagonaliga 15 dyuymlik monitorlar oltin o‘rtalik hisoblanadi. Bunday displey sifatli tasvirni ta’minlaydi va shu bilan bir vaqtda yetarlicha ixcham ham ko‘rinadi. Safarlar uchun kichkinaroq modellar ma’qul – ular olib yurishga qulay. Agarda noutbukni qo‘shni xonadan boshqa joyga ko‘tarib yurmaslikni rejalashtirgan bo‘lsangiz va tasvirlarni maksimal darajada tafsilotlari bilan ko‘rishni istasangiz, unda diagonaliga 16 va 17.3 dyuymlik modellariga e’tibor qarating.

Yana bir muhim mezon bor – ekran aniqligi (razresheniye, rezolyutsiya). U qanchalik yuqori bo‘lsa, tasvir shunchalik tiniq chiqadi. 1920x1080 piksellik va undan yuqori aniqlikni qo‘llab-quvvatlovchi ekran yaxshi tanlov hisoblanadi. Operatsion tizim ekranning o‘zgaruvchi parametrlarini klaviaturadan boshqarish imkonini beradi.

Xotira turlari va hajmi

Kompyuterga tushadigan axborotni saqlash va qayta ishlash kerak bo‘ladi. Bu funksiyalarni ikki xil xotira – qattiq disk hamda tezkor xotira bajaradi.

Kompyuterlarda fayllarni saqlovchi – doimiy xotira qurilmalari ikki xil ko‘rinishda bo‘ladi:

  • HDD («vinchester») – yuqori hisoblash tezligiga va uzoq xizmat qilish muddatiga ega, hajmi 10 TBgacha yetishi mumkin.

  • SSD (qattiq jismli saqlagich) – shovqinsiz ishlaydi, energiyani tejaydi, hajmi esa 2 TBgacha bo‘ladi.

Tezkor xotira (operativka) hajmi esa axborotlarni qayta ishlash tezligiga ta’sir qiladi. Uyda ishlatish uchun kompyuterga 8 GB yetarli. Geymerlarga va professional dizaynerlarga esa kamida 24 GB tezkor xotirali qurilma kerak bo‘ladi.

Noutbuk xaridi oldidan u haqidagi tavsiflar hamda foydalanuvchilarning izohlari bilan tanishib, tezkor xotirasini almashtirish imkoni bor-yo‘qligini aniqlang. Bu dastlabki o‘rnatilgan operativka quvvati keyinchalik kamlik qilib qoladigan bo‘lsa, o‘shanda apgreyd qilish imkonini beradi.

Videokartalarning turlari va xususiyatlari

Kompyuterning funksionalligiga ta’sir qiluvchi yana bir muhim omil – videokarta turidir. Ular tizim platasining o‘ziga o‘rnatilgan va diskret (olinuvchi) bo‘ladi. Kamdan-kam hollarda bu ikkalasining qo‘shma variantlari uchraydi.

O‘rnatilgan videokarta

Tizim platasining o‘zida joylashgan grafik yadro o‘z xotirasiga ega emas va umumiy tizim xotirasining bir qismidan foydalanadi, bu esa noutbukning tezkorligiga salbiy ta’sir qiladi. Uning hajmi tegishli vazifalardan kelib chiqib BIOS tomonidan nazorat qilib boriladi. Unchalik og‘ir bo‘lmagan vazifalarni bajaruvchi noutbuklar shunaqa videoadapterlar bilan jihozlanadi.

Diskret videokarta

Bu – o‘z grafik hisoblagichlarga, xotirasiga va mikrosxemalar jamlanmasiga ega bo‘lgan, ko‘pincha o‘zi metall korpusga joylangan alohida platadir. O‘yinbop noutbuk uchun uning mavjudligi – asosiy parametrlardan biridir. Bunday videokartalar 3D grafikasi, rendering va og‘ir o‘yinlarga mo‘ljallangan ilg‘or leptoplarga o‘rnatiladi.

Asaxiy.uz internet-do‘konidan xaridning o‘ziga xosliklari

Agarda siz O‘zbekistonda noutbuk olishga qaror qilgan bo‘lsangiz, u holda onlayn buyurtma yaxshi yechim bo‘ladi. Xarid haqini to‘lashning bir nechta usuli mavjud: naqd pulda, bank kartasi orqali yoki Click va Payme to‘lov tizimlari yordamida. Asaxiy.uz internet-do‘koni xaridorlarga nafaqat dunyoga mashhur ishlab chiqaruvchilarning kafolatli noutbuklarini yetkazib berish xizmati bilan taklif etadi, balki qo‘shimcha servis ham ko‘rsatadi.

Kompaniya saytida mijozlarni qo‘llab-quvvatlash xizmati ishlab turibdi; u savollaringizga tezkorlik bilan javob beradi va internet-do‘konda noutbuk buyurtma qilishga ko‘maklashadi. Toshkent shahrida tovarni eltib berish vaqti buyurtma rasmiylashtirilganidan boshlab 5–6 soatni tashkil etadi. Asaxiy.uz do‘konidan noutbuk yoki boshqa texnika jihozlarini olayotib, siz boshlang‘ich to‘lovsiz, 3 oydan 12 oygacha muddatli to‘lovga buyurtma berishingiz mumkin.

Dasturlash uchun eng yaxshi noutbuk

Qanday noutbuk tanlash kerak?

2023 yilning eng zo'r o'yin noutbuklari

2023-yilning eng zo'r ultrabuklari

Qo`llab-quvvatlash xizmati
Chat turini tanlang!