Bolalar aravachalari

Bolalar aravachasini tanlashga mas’uliyat bilan yondashish kerak. U chaqaloqni sayrlarda olib yuradi. Aravacha ochiq havoda uxlash joyi bo‘lib xizmat qiladi. Ayrim modellar avtomobil o‘rindig‘ining, sayr qildirish blokining, beshikning va hatto krovatning ishini bajaradi. Quyidagi tavsiyalar sizga eng yaxshi modelni tanlashga yordam beradi.

Bolalar aravachasining modifikatsiyalari

Bolalar aravachalari ishlab chiqaruvchilar tomonidan quyidagi modifikatsiyalarda taklif etiladi:

• Chaqaloqlar uchun beshiklar. Bunaqa modellar 6-7 oylikkacha bo‘lgan chaqaloqlarga mo‘ljallangan. Dizayn tekis yuzaga ega bo‘lib, unda chaqaloq yotishi qulay. Arava g‘ildirakli quti shaklida qilingan. Beshik-aravacha bolani allalashga mos keladi. Kichkintoy allaqachon o‘tira oladigan bo‘lsa, unda bunaqa model mos kelmaydi – oyoq dastagisiz chuqur qutida o‘tirish noqulay bo‘ladi.
• Transformer. Beshik va sayr aravachasi o‘rtasidagi oraliq variant. 1,5 yoshgacha go‘daklar uchun xizmat qiladi. Orqa o‘rindiqni bir nechta pozitsiyalarda qo‘yish va hatto uni 180°ga burish mumkin bo‘lgan, eng keng tarqalgan modifikatsiya. Bunaqa aravachaning qoplamasi olinadigan bo‘ladi. Qishda u yopiq model, yozda esa sayrbop ochiq variant hisoblanadi.
• Sayr aravachasi. Agar bola allaqachon o‘tira oladigan bo‘lsa, aravachaning sayrbop modeli kerak. Ulardan bolaning 3 yoshigacha foydalanish mumkin. Bunday modifikatsiya turli manyovrlari bilan qulay. Ishlab chiqaruvchilar uning ikki xil turini taklif qilishadi – "kitobsimon", "tayoqsimon". Bulardan ikkinchisi yig‘ilganida kam joy egallaydi. Ular ko‘pincha sayohat qilish uchun tanlanadi. Bunday aravachalarning afzalliklari – yengilligi, samarali sayr tizimiga aylantiruvchi ko‘plab aksessuarlari.
• Universal aravachalar. Bu modellar bir nechta olinuvchi bloklardan iborat bo‘lib, ular navbat bilan ramkaga o‘rnatiladi. “Ikkitasi bittada” aravachalar beshik va sayr blokini birlashtiradi. “Uchtasi bittada” modellarida avtomobil o‘rindig‘ining qo‘shimcha bloki ham mavjud. “To‘rttasi bittada” – beshik ostida taglik ham bo‘ladi. Uni uyda chaqaloq uchun to‘shak sifatida o‘rnatiladi. Yaxshi modellarda modullar oson almashtiriladi va ularning mahkamlovchi detallari ishonchli bo‘ladi.

"O‘rindiqlar" soniga ko‘ra, aravachalar:

• Bir chaqaloq uchun. Bitta o‘rindiqli klassik model.
• Egizaklar uchun. Ikki o‘rindiq bitta murakkab ramkada birlashtirilgan. Agar oilada chaqaloqdan tashqari yana kichkintoylar bo‘lganida ham bu variantdan foydalanish mumkin.
• Uchtalik egizaklar uchun. Bitta ramkaga uchta o‘rindiq o‘rnatilgan murakkab qurilma.

Tanlov mezonlari

Modifikatsiyasiga qo‘shimcha ravishda, aravachani tanlashda quyidagi nuanslarga e’tibor bering:

• Shassi va g‘ildirak bazasi. Ramka yuqori quvvatli yupqa alyuminiy profildan qilinadi. Katta g‘ildiraklar aravachaning silliq yurishini ta’minlaydi. Ular ichiga havo damlanuvchi rezina shinali yoki quyma bo‘ladi. Amortizatsiya tizimi ishonchli ekanligini tekshiring. Amortizatorlar yo‘ldan tashqari joylarda yurishni osonlashtiradi. Agar siz aravachani asfaltlangan sirtlarda harakatlantirishni rejalashtirmoqchi bo‘lsangiz ham, barqaror va manyovrli model sayr chegaralarini kengaytiradi.
• Dasta. Tutqichi aravachaning har ikki tomoniga tashlanadigan variantlar ommabop. Quyosh nurlari, shamol yo‘nalishiga qarab chaqaloqni "shu yo‘nalishda" yoki "qarshi yo‘nalishda" yotqizib qo‘yish mumkin. Tutqichi ota-onaning bo‘yiga qarab sozlanuvchi aravachalar ancha qulay.
• Tormozlar. Agar ona qahva ichib olish yoki qo‘shni bilan ko‘rishish uchun bir necha daqiqa to‘xtab qolsa, ular aravachaning harakatsiz turishi uchun kerak.
• Xavfsizlik kamarlari. Eng yaxshi variant – chaqaloqning tanasini 5 ta joyidan ushlab turuvchi tizim. To‘satdan tormozlangan taqdirda, bu bolaning xavfsizligini ta’minlaydi.
• Oyoqchalar tayanchi va bamper. Ushbu unsurlar chaqaloq uchun o‘tirish qulayligini oshiradi va boshqa narsalar bilan o‘zaro ta’sir qilishda zarba kuchini yumshatadi.

Aravachada aksessuarlar qancha ko‘p bo‘lsa, sayr qilishda onaga shunchalik qulay bo‘ladi. Ammo har bir opsiya aravacha narxning oshuviga olib keladi. O‘zingizga yoqqan modelni sotib olishdan oldin, har bir qo‘shimchaning ahamiyatini baholang:

• Yomg‘irpo‘sh, chivin to‘ri – bolani yomon ob-havodan, hasharotlardan himoya qiladigan foydali kichik narsalar.
• Oyoqlarda konvert – qishda uzoq yurish paytida chaqaloqni sovuqdan himoya qiladi.
• Stakan ushlagichi – chaqaloq uchun ozuqa yoki suv shishasini, yo bo‘lmasa ona uchun bir stakan qahva yoxud choy idishini ushlab turadi. Sozlanuvchi modellar hatto kichik termosni ham ushlab turadi.
• To‘shakcha – porolondan, kokos tolasidan, lateksdan tayyorlangan modellar bor. Ortopedlar tomonidan tavsiya etilgan yaxshi variant – bu kokos po‘sti tolasidan tayyorlangan qattiq to‘shakchadir.
• Ona uchun sumka – butilka, salfetkalar, o‘yinchoqlar olib yurish qulay bo‘lishi uchun kerak. Ideal holda, aksessuarda ko‘plab bo‘linmalar va cho‘ntaklar bo‘lishi kerak.
• Savatcha – xaridlarni tashish uchun do‘konga borishda talab qilinadigan atribut. Yaxshi variant – alohida olsa bo‘ladigan model. Bunday holda, savatni chang va boshqa ifloslanishlardan yuvish oson.

Kichkintoy uchun kelajakdagi transportni tanlashda, ba’zi qo‘shimcha jihatlar haqida oldindan qaror qabul qilish kerak:

• vazn – aravachani yuqori qavatga ko‘tarib chiqish kerak bo‘ladi, shuning uchun u yengil bo‘lgani ma’qul;
• qoplama materiallari – namlikka chidamli birikmalar bilan qo‘shimcha ravishda ishlov berilgan zich material, o‘zining jozibadorligini uzoqroq saqlaydi, uni tozalash osonroq;
• yig‘ilgan shaklda ixcham bo‘lishi – bu parametr saqlash xonasi bo‘lmagan kichik kvartirada yashovchilar uchun tegishli;
• bolaning yoshi – aravachani chaqaloqning yoshiga qarab tanlang, lekin bolalar juda tez o‘sishini unutmang;
• rang – aravachaning dizayni didga bog‘liq, ammo yorqin ranglar tezda o‘chib ketadi va mahsulotning och rangli detallari tez ifloslanadi.

Mashhur brendlar

Sifat va chidamlilik uchun iste’molchilar quyidagi ishlab chiqaruvchilarning "beshta" mahsulotini qo‘yadilar:

• Didit;
• Jikel;
• Xiaomi;
• Britax;
• Anex;
• Cam;
• Chicco.

Har bir brend haqida ko‘proq ma’lumotni do‘konimiz menejeridan olishingiz mumkin.

O‘zbekiston bo‘ylab yetkazib beriluvchi bolalar aravachasi sotib olish

“Asaxiy” internet-do‘koni bolalar aravachalarining Toshkent shahridagi taniqli modellariga buyurtma berishni taklif etadi, xaridingizni mamlakatimizning istalgan hududiga jo‘natish imkoniyati mavjud. Katalogdagi har bir tovar tavsif va fotosurat bilan to‘ldirilgan. Bizda xizmat va kafolatlarni hisobga olgan holda taniqli brendlar mahsulotlari uchun O‘zbekistonda eng maqbul narx mavjud. Buyurtmani veb-sayt yoki Telegram kanali orqali berishingiz mumkin. Tovarlarni Toshkent bo‘ylab yetkazib berish buyurtma berilgan kuni bepul (soat 17:00 ga qadar xarid qilingan bo‘lsa). Telefon orqali maslahat berishdan mamnun bo‘lamiz.