Суюкли Пайғамбарим билан 365 кун. Суюкли Пайғамбарим дўстлари билан 365 кун. Суюкли Қуръон китоби билан 365 кун

"Суюкли Пайғамбарим билан 365 кун" китоби болажонларимиз учун Расулуллоҳ соллаллоҳу алайҳи ва салламнинг муборак ҳаётларидан ҳикоя қилувчи ажиб бир китобдир. У зотнинг ҳаётларини ўрганиш ва ундан ибрат олиш мўминлар учун саодатнинг бир манбайидир. Китобдаги воқеалар ёш авлодларимизнинг фикрлаши ва унга ёндашишларини инобатга олган ҳолда, содда ва тушунарли услубда баён қилинган. Шунингдек, ўқилиши ва қабул қилиниши осон бўлиши учун китоб маълум қисм, яъни кунларга бўлиб чиқилган. Китобнинг яралишида Нурдан Дамланинг "365 кунда севгили Пайғамбарим" китоби асос қилиб олинди. Китобнинг овозли шакли ҳам ҳосил қилиниб, ичидаги суратлари бойитилди.

Сиз, азиз ота-оналар, ушбу китоб орқали Набий соллаллоҳу алайҳи ва салламнинг хулқлари ва у зотнинг уммат учун қилган эзгу ишларини фарзандларингизга ҳам танитишда кўмак берасиз, деган умиддамиз.

Таржимон ва нашрга тайёрловчилар: И. Нуруллоҳ, В. Шодиева

"Суюкли Пайғамбаримнинг дўстлари билан 365 кун" китобида Пайғамбаримиз (соллаллоҳу алайҳи ва саллам)нинг саҳобалари, яъни у зот билан бир даврда ҳаёт кечирган кишиларнинг фазилатлари, Ислом йўлида қилган хизматлари ҳақида ҳикоя қилинади. Саҳобалар ҳаёти саодат асрига, Набий (алайҳиссалом)нинг муборак умр йўлига туташ бўлганлиги сабаб, динимизни ўрганишда уларнинг ҳам ҳаётини билишимиз бизга зарурдир. Китоб Тоҳа Килинчнинг "365 кунда Пайғамбаримнинг дўстлари" номли китоби асосида нашр юзини кўрмоқда. Китобнинг овозли шакли ҳосил қилиниши билан биргаликда, болажонларнинг мавзуни теран англашлари учун ичидаги суратлари янада бойитилди.

Китоб орқали фарзандларимиз Расулуллоҳ (алайҳиссалом) ва саҳобалар билан боғлиқ воқеа-ҳодисалар, ўзаро мулоқотлардан ҳикмат, ҳам ўрнак олишади, деган умиддамиз.

Таржимон ва нашрга тайёрловчилар: И. Нуруллоҳ, С. Аҳмад, Ш. Анварова

"Суюкли Қуръон китоби билан 365 кун" китоби Қуръоннинг мазмун-моҳияти асосида ёзилган бўлиб, унда анбиёлар қиссаси ҳамда саодат асридаги муҳим воқеа-ҳодисалар ва улардан олинадиган ибратлар, насиҳатлар баён қилинади.

Китоб Нурдан Дамланинг "365 кунда суюкли китобим Қуръон" номли асари асосида нашрга тайёрланди. Китобнинг овозли шакли ҳосил қилиниши билан биргаликда, болажонларнинг воқеаларни теран англашлари учун ичидаги суратлари янада бойитилди.

Асар болажонлар ва катта ёшлилар учун ҳам фойдали бўлиб, саодатли ҳаёт сари бир маънавий йўлбошчи бўлади, деган умиддамиз.

Таржимон ва нашрга тайёрловчилар: И. Нуруллоҳ, Д. Шойзоқова

Китобларнинг овозли шаклини ўқиган: А. Абдулазизов