Muddatli toʻlov asosida sotib olishning umumiy qoidalari

“ASAXIY UZ” MCHJ (http://www.asaxiy.uz.) INTERNET DOʻKONIDAN FOYDALANISH VA INTERNET DOʻKON SAYTIDA JOYLASHTIRILGAN MAHSULOTLARNI QISMLARGA BOʻLIB TOʻLASH YOʻLI BILAN SOTISH VA SOTIB OLISHNING UMUMIY QOIDALARI.

1. Atamalar va taʼriflar.

1.1. Ushbu Umumiy qoidalarda, quyida keltirilgan atamalar quyidagicha maʼnolarni anglatadi va uning ajralmas tarkibiy qismi hisoblanadi:

Bitim ― ushbu bitimning Umumiy qoidalari asosida, Xaridor va Sotuvchi oʻrtasida tuzilgan, Internet doʻkon sahifalarida joylashtirilgan Mahsulot(lar)ni qismlarga boʻlib toʻlash yoʻli bilan sotish va sotib olish toʻgʻrisida elektron hujjat.

Xaridor soʻrovnomasi ― Xaridorning elektron yoki yozma ravishda rasmiylashtirilgan, Sotuvchiga yuborilgan, Xaridorning, ushbu Umumiy qoidalar, Sotuvchi va Oʻzbekiston Respublikasi qonunchiligiga muvofiq, Sotuvchi bilan Internet doʻkon saytida elektron tijorat usulida joylashtirilgan Mahsulot(lar)ni qismlarga boʻlib toʻlash yoʻli bilan sotish va sotib olish bitimini tuzish maqsadini anglatuvchi taklif‑ofertasi. (Internet doʻkon sahifalarida elektron tijorat usulida joylashtirilgan Mahsulotlarni qismlarga boʻlib toʻlash yoʻli bilan sotish va sotib olish toʻgʻrisida soʻrovnoma‑oferta).

Internet doʻkon ― Sotuvchining http://www.asaxiy.uzinternet manzilida joylashtirilgan, rasmiy internet doʻkoni. Internet doʻkon/Doʻkon yoki Internet‑sayt tushunchalari bir xil kuchga ega hisoblanadi.

Hududiy filial ― Sotuvchining Respublika viloyat va tumanlarida joylashgan savdo shoxobchalari.

Umumiy qoidalar― ushbu hujjat (http://www.asaxiy.uz. Internet doʻkoni hamda hududiy filiallarda foydalanish, shuningdek, mahsulotlarni qismlarga boʻlib toʻlash yoʻli bilan sotish va sotib olishning Umumiy qoidalari.

Tomon yoki Tomonlar ― kontekstga koʻra Xaridor yoki Sotuvchi, yoki tegishli ravishda Xaridor va Sotuvchi.

Sotuvchi ― belgilangan tartibda roʻyxatdan oʻtgan «Asaxiy uz» MCHJ.

Xaridor ― Internet doʻkon saytida elektron tijorat usulida va hududiy filiallarda joylashtirilgan Mahsulot(lar)ni qismlarga boʻlib toʻlash yoʻli bilan sotish va sotib olish bitimini tuzish uchun huquqiy layoqatga ega boʻlgan har qanday jismoniy shaxs.

Mahsulot ― Sotuvchi tomonidan Internet doʻkon orqali elektron tijorat usulida qismlarga boʻlib toʻlash sharti bilan sotiluvchi mahsulot, produksiya.

2. Umumiy qoidalar.

2.1. Ushbu Umumiy qoidalar Sotuvchining Internet doʻkonidan foydalanish tartiblarini, Internet saytda roʻyxatdan oʻtish, hududiy filiallarga murojaat qilish, Xaridor soʻrovnomalarini rasmiylashtirish tartiblarini belgilab, oʻrnatadi va shularga koʻra, shu jumladan, Internet doʻkon sahifalarida elektron tijorat usulida joylashtirilgan va mavjud filiallar orqali Mahsulot(lar)ni qismlarga boʻlib toʻlash yoʻli bilan sotish va sotib olish toʻgʻrisidagi elektron hujjat koʻrinishidagi tijoriy Bitimni tuzish boʻyicha paydo boʻlgan, munosabatni tartibga soladi.

2.2. Elektron tijorat sohasi va tovar‑isteʼmol krediti aloqalari (xaridorga sotib olingan Mahsulotlar uchun qismlarga boʻlib toʻlash koʻrinishida taqdim etish ― Mahsulotni qismlarga boʻlib toʻlash sharti bilan sotish) “Elektron tijoratni amalga oshirish qoidalari” (2016-yil 2-iyundagi 185‑sonli OʻzR VMQ‑ga 1‑sonli ilova), Oʻzbekiston Respublikasining “Elektron tijorat toʻgʻrisidagi” qonuni, Oʻzbekiston Respublikasining “Isteʼmol krediti toʻgʻrisidagi” qonuni va Oʻzbekiston Respublikasining boshqa normativ‑huquqiy hujjatlari bilan tartibga solinadi.

2.3. Isteʼmolchilar huquqlarini himoya qilish boʻyicha munosabatlar Oʻzbekiston Respublikasining Fuqarolik kodeksi, Oʻzbekiston Respublikasining “Isteʼmolchilar huquqlarini himoya qilish toʻgʻrisidagi” Qonuni va Oʻzbekiston Respublikasining boshqa normativ‑huquqiy hujjatlari bilan tartibga solinadi.

3. Bitim mavzusi va Mahsulot narxiga oid Umumiy qoidalar.

3.1. Sotuvchi amalga oshiradi, Xaridor esa ushbu Umumiy qoidalarda koʻrsatilgan shartlarga koʻra Mahsulotga buyurtma beradi, uni qabul qiladi va haq toʻlaydi. Qismlarga boʻlib toʻlash sharti bilan sotib olingan Mahsulotlarga egalik qilish huquqi Xaridorga ikkinchisi Mahsulot toʻlovini toʻliq amalga oshirganidan soʻng oʻtadi. Mahsulot yoʻqolishi yoki zararlanishi javobgarligi Mahsulot Xaridorga yuborilgan va Xaridor tomonidan Mahsulotni topshirish va qabul qilish akti (Ushbu Umumiy shartlarga 1‑sonli ilova) va/yoki Sotuvchining tashuvchisi/kuryeri yetkazib bergan vaqtdagi yuk xati imzolangan paytdan boshlab Xaridorga oʻtadi.

3.2. Mahsulot narxi bir tomonlama eʼtirozsiz tartibda belgilanadi va Internet doʻkon sahifalarida koʻrsatiladi.

3.3. Mahsulot narxi Oʻzbekiston Respublikasi milliy valyutasi ― Soʻmda, barcha soliqlar, shuningdek, (QQS ishlatilsa) QQS hisobga olinmagan holda koʻrsatiladi.

3.4. Mahsulot narxi Sotuvchining Internet doʻkoni sahifalarida Mahsulot toʻgʻrisidagi maʼlumotlar saqlanayotgan muddat davomida haqiqiydir.

3.5. Mahsulotlar saytda Internet doʻkonning mulki hisoblangan grafik rasm va namunalar orqali, mahsulot xususiyatlari tavsiflangan holda taqdim etiladi.

3.6. Monitorning turli xil texnik xususiyatlari tufayli Mahsulot rangi Internet saytda taqdim etilganidan farq qilishi mumkin.

3.7. Mahsulotning tashqi koʻrinishi Internet saytda tasvirlanganidan farq qilishi mumkin.

3.8. Xaridor iltimosiga binoan Internet doʻkon menejeri, Xaridorning nuqtayi nazariga koʻra, Mahsulotni sotib olish toʻgʻrisida qaror qabul qilish uchun zarur va yetarli boʻlgan qoʻshimcha maʼlumotni elektron shaklda (elektron pochta orqali) taqdim qilishi shart.

4. Bitim tuzish shartlari

4.1. Ushbu Umumiy qoidalar matni Internet doʻkon sahifalarida elektron tijorat usulida joylashtirilgan Mahsulot(lar)ni qismlarga boʻlib toʻlash sharti bilan sotish va sotib olish boʻyicha Bitimning tarkibiy qismi hisoblanadi.

4.2. Xaridor elektron tijorat usulida bitim tuzish uchun Xaridor soʻrovnomasini, shuningdek, Xaridor soʻrovnomasini koʻrib chiqish va Sotuvchi va Oʻzbekiston Respublikasining amaldagi qonunchiligi shartlari va talablariga muvofiq Xaridor identifikatsiyasini amalga oshirish uchun zarur boʻlgan hujjatlarni elektron formatda yoki qogʻoz nusxasini sotuvchi‑konsultantga taqdim qiladi yoki internet doʻkondagi shaxsiy kabineti orqali yuboradi.

4.3. Bitim, Oʻzbekiston Respublikasi Fuqarolik kodeksiga, Oʻzbekiston Respublikasining “Elektron tijorat toʻgʻrisidagi”, “Elektron hujjatlar almashinuvi toʻgʻrisidagi”, “Elektron raqamli imzo toʻgʻrisidagi” Qonunlariga muvofiq, Sotuvchi tomonidan ofertani ― Xaridor soʻrovnomasini, qabul qilinishi yoʻli bilan tuziladi. Qabul qilish Sotuvchi tomonidan ushbu choralarning amalga oshirilishini anglatadi: Xaridor soʻrovnomasi maʼqullangani toʻgʻrisida Xaridorning Internet doʻkondagi shaxsiy kabinetiga xabar yoki Xaridorning roʻyxatdan oʻtish paytidagi mobil raqamiga sms‑xabar yuborish va Mahsulotni Xaridorga yetkazish (yuklab, joʻnatish).

4.4. Xaridor bilan Bitim boʻyicha aloqa harakatlarini boshlash sanasi Sotuvchi tomonidan Xaridor Soʻrovnomasi maʼqullangani toʻgʻrisida Xaridorning shaxsiy kabinetiga xabar yoki Xaridorning mobil raqamiga sms‑xabar yuborish sanasi hisoblanadi.

4.5. Sotuvchi tomonidan oferta ― Xaridor Soʻrovnomasi, qabul qilinishi asosida tuzilgan Bitim tomonlar, ushbu Umumiy shartlarga va Internet doʻkon sahifalaridagi harakatlarga muvofiq kelgusi choralarni amalga oshirish yoʻli bilan, qandaydir istisno va/yoki bahonalarsiz qoʻshiladigan qoʻshilish shartnomasi sanaladi.

4.6. Xaridor egalik huquqi unga oʻtkazilmagunicha Mahsulotni oʻzidan uzoqlashtirish (sotish, sovgʻa qilish, almashtirish) yoki, shaxsan foydalanishdan tashqari, boshqa yoʻllar bilan ishlatish huquqiga ega emas.

5. Tomonlarning huquq va majburiyatlari

5.1. Sotuvchi majburiyatlari:

5.1.1. Internet doʻkonning uzluksiz ravishda yigirma toʻrt soat ishlashini taʼminlash va maʼlumotlar xavfsizligini oʻrnatish.

5.1.2. Oʻzbekiston Respublikasi qonunchiligiga koʻra ushbu turdagi maʼlumotni vakolatli organga taqdim etish majburiyati nazarda tutilgan hollardan tashqari, shuningdek, bunday maʼlumot ommaga ochiq boʻlgan yoki shaxsan Xaridor roziligi asosida oshkor qilingan hollardan tashqari, shuningdek, Xaridor tomonidan bunga ushbu Umumiy qoidalarga muvofiq ochiqchasiga ruxsat berilgan hollar va meʼyorlardan tashqari, Xaridorlar toʻgʻrisidagi maʼlumotni oshkor qilmaslik.

5.1.3. Ushbu Umumiy qoidalarda koʻrsatilgan shartlarga rioya qilish va Internet doʻkondan foydalanishning roʻyxatdan oʻtish va initsializatsiya (sms‑tekshiruv) shartlarini bajarish shartlari bilan Xaridorni roʻyxatdan oʻtkazish va unga shaxsiy kabinetga kirishi uchun shaxsiy identifikatorni tayinlash.

5.1.4. Bitim tuzilgan daqiqadan boshlab Xaridor qarshisidagi barcha majburiyatlarni Xaridor soʻrovnomasi, ushbu Umumiy qoidalar va Oʻzbekiston Respublikasining amaldagi qonunchiligi shartlariga muvofiq toʻla taʼminlash.

5.1.5. Sotuvchi ushbu Umumiy qoidalarning 8‑bandida koʻrsatilgan fors‑major holatlari yuzaga kelganda Bitim boʻyicha majburiyatlarini bajarmaslik huquqini oʻzida saqlab qoladi.

5.1.6. Xaridorning shaxsiy maʼlumotlarini qayta ishlash va ularning maxfiyligini Oʻzbekiston Respublikasining amaldagi qonunchiligi bilan belgilangan tartibda taʼminlash.

5.1.7. Xaridor bilan oʻzaro aloqalarda Oʻzbekiston Respublikasining amaldagi qonunchiligi talablariga rioya qilish, Xaridor bilan aloqa qilishda odob saqlash va xushmuomala boʻlish.

5.1.8 Sotuvchi Oʻzbekiston Respublikasining amaldagi qonunchiligiga muvofiq boshqa majburiyatlarni oʻz zimmasiga oladi.

5.2. Sotuvchi huquqlari:

5.2.1. Ushbu Umumiy qoidalarni, mahsulot narxlarini va tegishli xizmatlarning tariflarini, toʻlov va Mahsulotni yetkazib berish usullari va muddatlarini bir tomonlama tartibda, ularni http://www.asaxiy.uz. ;internet manzilida joylashgan internet doʻkonga joylashtirish orqali oʻzgartirish. Barcha oʻzgartirishlar eʼlon qilinganidan keyinroq kuchga kiradi va eʼlon qilingan daqiqadan boshlab Xaridor xabar topguniga qadar yetkazilgan hisoblanadi. Shu bilan birga, narxlar va Ushbu Umumiy qoidalar shartlariga kiritilgan boshqa oʻzgartirishlar oʻzgartirish toʻgʻrisidagi bunday eʼlonga qadar buyurtma qilingan mahsulotlarga nisbatan joriy qilinmaydi.

5.2.2. Xaridor bilan kechgan telefon suhbatlarini yozib olish.

5.2.3. Xaridor manfaatlari uchun, Xaridor roziligisiz, Bitim boʻyicha va ushbu umumiy Qoidalarga muvofiq alohida shartlarni bajarish boʻyicha oʻz huquq va majburiyatlarini uchinchi shaxslarga oʻtkazish va shu bilan birga Xaridor qarshisida u shaxslarning xatti‑harakatlari uchun javob berish;

5.2.4. Agar Xaridor ushbu qurilmalar uchun toʻlovni amalga oshirmasa yoki toʻlov jadvaliga muvofiq toʻlov qilish muddatini oʻtkazib yuborsa, Xaridor tomonidan qismlarga boʻlib toʻlash sharti bilan Internet doʻkon orqali sotib olingan mobil qurilmalarni ― mobil aloqa vositalari va mobil aloqa moduliga ega boʻlgan qurilmalarni bir tomonlama tartibda, uchinchi shaxslar xizmatidan foydalangan holda, blokirovka qilish;

5.2.5. Agar Xaridor tomonidan qismlarga boʻlib toʻlash usulida xarid qilingan mahsulotlar toʻlovi kelishilgan toʻlov grafigidan 15 kundan ortiq kechiksa, Sotuvchi kechiktirilgan summa va keyingi oylik toʻlovini ham majburiy undirish huquqiga ega. Agar bu holat asossiz tarzda takror kuzatilsa, qolgan oylik toʻlovlarni muddatidan oldin undirish huquqiga ega.

5.2.6. Sotuvchi Oʻzbekiston Respublikasining amaldagi qonunchiligiga muvofiq boshqa huquqlarga ega.

5.3. Xaridor majburiyatlari:

5.3.1. Ushbu Umumiy qoidalar, Sotuvchi tomonidan Internet doʻkonda taklif qilinayotgan Mahsulot narxlari, shuningdek, Internet doʻkon sahifalaridagi boshqa shartlar bilan tanishish va ularni bajarish.

5.3.2. Sotuvchi Xaridor qarshisidagi oʻz majburiyatlarini bajarayotgan vaqtda ikkinchisi oʻzini Xaridor sifatida aniq tanituvchi va Xaridorga u tomonidan buyurtma qilingan Mahsulotni yetkazib berish uchun yetarli boʻlgan barcha zaruriy va ishonchli maʼlumotlarni taqdim etishi shart.

5.3.3. Qoʻshimcha aloqa maʼlumotlarini, maʼquli, Xaridorning qarindoshlarinikini www.asaxiy.uz tizimida roʻyxatdan oʻtkazish.

5.3.4. Buyurtma qilingan Mahsulot va uning yetkazib berilgani uchun (shunday xizmat turi tanlanganda) Xaridor yuborgan soʻrovnoma, shuningdek ushbu Umumiy qoidalarda koʻzda tutilgan shartlar boʻyicha va ularga muvofiq toʻlov qilish.

5.3.5. Nizolar kelib chiqmasligi uchun, Soʻrovnoma rasmiylashtirilayotgan vaqtda Sotuvchi tomonidan Internet doʻkon sahifalarida taqdim qilingan maʼlumotlar bilan tanishish.

5.3.6. Mahsulotlarni faqat shaxsiy foydalanish maqsadida, tadbirkorlik faoliyati va daromad topishni koʻzlamagan holda sotib olish.

5.3.7. Shaxsiy kabinetning identifikatsiya maʼlumotlarini uchinchi shaxslarga taqdim qilmaslik.

5.3.8. Shaxsiy kompyuter, smartfon va boshqa elektron toʻlov va shaxsiy maʼlumot vositalarining ishga yaroqliligi, maʼlumotlar himoyasi va xavfsizligini tegishli tarzda taʼminlash.

5.3.9. Xaridor Soʻrovnomasi Sotuvchi tomonidan tasdiqlanishi va toʻlov amalga oshirilishi uchun yuborilishidan avval Xaridor Soʻrovnomasi toʻgʻri rasmiylashtirilganini (summa, tanlangan Mahsulot, Mahsulot miqdori va boshqalarni) diqqat bilan tekshirish. Mahsulotlar boʻyicha hisob‑kitoblar (toʻlovlar) Oʻzbekiston Respublikasi fuqarolik kodeksiga, Oʻzbekiston Respublikasining “Elektron toʻlovlar toʻgʻrisidagi”, “Elektron hujjat almashinuvi toʻgʻrisidagi” qonunlariga, Oʻzbekiston Respublikasining “Elektron tijorat toʻgʻrisidagi” qonuniga muvofiq va ushbu Umumiy qoidalarga muvofiq boshqa qonunchilik aktlari va Internet doʻkonda Xaridor Soʻrovnomasi roʻyxatdan oʻtkazilgan paytda qabul qilingan toʻlov shartlariga koʻra amalga oshiriladi.

5.3.10. Internet doʻkondan uchinchi shaxslar huquqlarini buzuvchi, gʻayriqonuniy maqsadlarda foydalanish taqiqlanadi.

5.3.11. Sotib olingan mahsulotdan faqat qonuniy yoʻlda foydalanish va Internet doʻkon va Mahsulotdan foydalanish mobaynida Xaridor yoki uchinchi shaxs tomonidan yetkazilgan har qanday turdagi zarar uchun javobgarlikni Sotuvchiga yuklamaslik.

5.3.12. Xaridorlar uchun Sotuvchi tomonidan Internet doʻkon sahifalari va/yoki shaxsiy kabinetda eʼlon qilingan xabarlar va xabarnomalarni kuzatib borish.

5.3.13. Sotuvchi xodimlari bilan oʻzaro aloqada amaldagi qonunchilik talablariga rioya qilish, aloqada odob va xushmuomalalikni saqlash.

5.3.14. Xaridorning shaxsiy roʻyxatdan oʻtish maʼlumotlari oʻzgarganligi toʻgʻrisida www.asaxiy.uz tizimida Sotuvchini zudlik bilan xabardor qilish, shu jumladan:

  • bank xizmati oʻzgartirilganda (bank toʻlov kartasi);
  • asosiy mobil aloqa raqami oʻzgartirilganda;
  • Xaridorning yashash manzili oʻzgartirilganda.

6. Toʻlov va Mahsulotni yetkazib berish shartlari

6.1. Mahsulotni Xaridorga yetkazib berish, quyida keltirilgan shartlar boʻyicha, faqat Toshkent shahri ichida yetkazib beriladi.

6.2. Toʻlov qilish usullari

6.2.1. Internet doʻkonda sotib olingan Mahsulotga toʻlov qilish uchun Xaridor bank kartalari, naqd va turli xil toʻlov qurollari orqali (masalan, PAYME, CLICK va boshqalardan) toʻlov qilishning boshqa elektron vositalaridan foydalangan holda toʻlovni amalga oshirishi mumkin.

Buning uchun Internet doʻkon sahifalarida Xaridorga Mahsulot(lar) uchun Internet doʻkon bilan hamkorlik qiladigan toʻlov vositalari orqali toʻlovni amalga oshirish taklif qilinadi va Xaridor saytdagi yoʻriqnomaga amal qilgan holda onlayn toʻlovni amalga oshirishi mumkin.

6.2.2. Barcha mahsulotlar elektron tijorat usulida qismlarga boʻlib toʻlash sharti bilan sotiladi.

Mahsulotni qismlarga boʻlib toʻlash sharti bilan sotib olingan taqdirda, toʻlov Xaridor tomonidan, shaxsiy kabinet orqali Mahsulotga buyurtma berish vaqtida Xaridor tomonidan tanlangan toʻlov jadvaliga muvofiq, har oyda bir xil ulushlar bilan toʻlab boriladi.

6.2.3. Rekurrent (avtomatik) toʻlovlar

6.2.3.1. Xaridorga Internet doʻkonda PAYMO xizmatidan foydalanib rekurrent (avtomatik) toʻlovni amalga oshirish imkoniyati beriladi.

Xaridorning Internet doʻkonda roʻyxatdan oʻtishi vaqtida, shuningdek Internet doʻkondan foydalanish jarayonida Internet doʻkonning tegishli sahifasiga oʻzining bank kartasini ulaydi. Xaridorning bank kartasi boʻyicha SMS maʼlumot berish xizmati yoqilgan abonent raqamiga bank kartasini ulashda, bir martalik parol va Xaridorning Sotuvchiga Xaridorning toʻlov qobiliyatini baholash uchun PAYMO xizmatiga taqdim etilgan shaxsiy maʼlumotlarini yuborishi va Sotuvchi tomondan qayta ishlanishiga rozilik berishi uchun havola bilan SMS xabar yuboriladi.

Internet doʻkonning tegishli sahifasiga bir martalik parolning kiritilishi “Avtomatik toʻlov” xizmati yoqilganini anglatadi va Xaridorga rekurrent toʻlov yoqiladi.

Rekurrent toʻlovlar sotib olingan Mahsulot toʻlovi toʻl uzilguniga qadar Mahsulot uchun toʻlovlar jadvalida belgilangan miqdorda va vaqtda amalga oshiriladi.

Xaridorning bank kartasida pul mablagʻlari mavjud boʻlmagan taqdirda, toʻlov oʻtkazilmaydi. Toʻlov qilish talabi Xaridorning bank kartasida yetarli miqdordagi mablagʻ mavjudligi toʻgʻrisida maʼlumot olinganidan soʻng hosil boʻladi. Qarzning toʻliq miqdori mavjud boʻlmagan taqdirda Xaridor bank kartasidan rekurrent toʻlov yoʻli bilan pul mablagʻlarini qisman yechib olinishiga rozilik beradi.

6.2.3.2. Xaridor “Avtomatik toʻlov” xizmatidan Sotuvchiga, bankka yoki PAYMO toʻlov xizmatining huquqiy egasiga murojaat qilish orqali, shuningdek Internet doʻkondagi Xaridorning shaxsiy kabineti funksionali orqali voz kechishi mumkin.

6.3. Mahsulotni qismlarga boʻlib toʻlash yoʻli bilan sotib olish shartlari:

Mahsulotni qismlarga boʻlib toʻlash yoʻli bilan sotib olish uchun Xaridor Internet doʻkon sahifalarida qismlarga boʻlib toʻlash yoʻli bilan sotib olmoqchi boʻlgan Mahsulotini tanlaydi va “Qismlarga boʻlib toʻlashga rasmiylashtirish” tugmasini bosish orqali “Xaridor Soʻrovnomasi”ni rasmiylashtiradi. Taklif qilingan variantlardan (3-12 oy) Xaridor keragini tanlaydi va “Soʻrovnomani rasmiylashtirish”ni bosadi. Soʻngra Xaridor Soʻrovnomasiga koʻra Mahsulotni rasmiylashtirish Xaridorga Internet doʻkonda taklif qilingan yoʻriqnoma boʻyicha amalga oshiriladi.

Sotuvchi operatorlari xaridor Soʻrovnomasini tasdiqlash va tafsilotlarni aniqlashtirish maqsadida Xaridor bilan bogʻlanadilar.

Qismlarga boʻlib toʻlashni rasmiylashtirish uchun Xaridor shuningdek Xaridor Soʻrovnomasiga quyida keltirilgan hujjatlarning PDF yoki JPEG formatidagi elektron (skaner qilingan) nusxalarini ilova qilishi shart:

Hujjat turi

Mahsulot narxi

 

500 000 soʻmdan

4 999 999 soʻmgacha

5 000 000 soʻmdan yuqori

Roʻyxatdan oʻtish joyi koʻrsatilgan pasport (nusxasi)

shart

shart

(asli) yoki xaridorning bank kartasi raqami (UzCard va/yoki HUMO)

shart

shart

Daromadlari toʻgʻrisida, lavozimi koʻrsatilgan, maʼlumotnoma

ixtiyoriy

ixtiyoriy

Harbiy guvohnoma (agar ish faoliyati mudofaa xizmati boʻlsa)

shart

shart

Agar kerak boʻlsa, Sotuvchi Xaridorning kredit toʻlash imkoniyatini tekshirish uchun qoʻshimcha hujjatlarni talab qilishga haqlidir.

Sotuvchi Xaridor Soʻrovnomasini va taqdim etilgan elektron (skaner qilingan) hujjatlarni koʻrib chiqadi.

72 soat ichida va natijalarga koʻra Xaridor Soʻrovnomasini tasdiqlash (maʼqullash) toʻgʻrisida yoki Xaridor Soʻrovnomasini tasdiqlashdan bosh tortish toʻgʻrisida qaror qabul qiladi.

Sotuvchi belgilangan muddat ichida Xaridorga Xaridorning shaxsiy kabinetiga elektron pochta xabarini yuborish va/yoki Xaridorning bank kartasini (UzCard va/yoki HUMO) ulash va ushbu harakatni SMS verifikatsiya yoʻli bilan tasdiqlash taklifi bilan SMS xabar yuborish orqali qabul qilingan qaror toʻgʻrisida xabar beradi.

Shu bilan birga, Xaridor bank kartasini SMS verifikatsiya yoʻli bilan Internet doʻkon tizimiga ulagan paytda, bu bilan Xaridor shuningdek sotib olingan mahsulot(lar) uchun qarzlarni toʻla uzilmaguniga qadar Xaridorning ulangan bank kartasidan Mahsulot(lar) uchun toʻlov qilish jadvaliga muvofiq miqdorda va vaqtda, rekurrent (avtomatik) toʻlovlarni oʻz ichiga olgan holda, akseptsiz ravishda pul mablagʻlarini yechib olinishiga rozilik bildirganini tushunadi. Xaridorning kartasidan pul yechib olishdan avval unga, koʻrsatilgan summa Xaridorning ushbu bank kartasida mavjudligini taʼminlash soʻrovi bilan, Sotuvchidan qismlarga boʻlib toʻlash sharti bilan sotib olgan Mahsuloti uchun belgilangan toʻlov miqdori yechib olinishi toʻgʻrisida (3-2-1 kun avval) xabar yuborilishi mumkin.

Oʻz navbatida, Sotuvchi SMS yuborish, Xaridorning Internet doʻkondagi shaxsiy kabinetiga xabar yoʻllash yoki boshqa mumkin boʻlgan yoʻllar orqali Xaridorni Xaridor tomonidan sotib olingan mahsulot(lar) uchun koʻrsatilgan muddatlar ichida (bu muddatdan 2‑3 kun avval) toʻlov qilinishi kerakligi, Xaridor tomonidan ulangan bank kartasidan (UzCard va/yoki HUMO) Mahsulot(lar) uchun toʻlov qilish jadvaliga muvofiq miqdorda va muddatda pul mablagʻlarini yechib olinishi toʻgʻrisida ogohlantirish huquqiga ham ega (ammo bu majburiyatni oʻz zimmasiga olmaydi). Agar, sotuvchida taqdim qilingan hujjatlarning elektron (skaner qilingan) nusxalarining haqiqiyligi va/yoki ishonchliligiga nisbatan shubha paydo boʻlsa, Sotuvchi Xaridor soʻrovnomasini tasdiqlashdan bosh tortishga haqlidir. Shu bilan birga, Xaridor Soʻrovnomasi Xaridor tomonidan hujjatlarning tegishli elektron (skaner qilingan) nusxalari qayta taqdim qilinganidan keyingina tasdiqlanishi mumkin.

6.3. Yetkazib berish shartlari (Toshkent sh. hududida)

6.3.1. Xaridor ushbu Umumiy Qoidalarga muvofiq Mahsulot yetkazib berilishini rasmiylashtirishi yoki Xaridor Soʻrovnomasi tasdiqlanganidan (maʼqullanganidan) soʻng Sotuvchi tomonidan koʻrsatilgan manzildan Mahsulotni olib ketishi mumkin.

6.3.2. Yetkazib berish Sotuvchi tomonidan jalb qilingan kuryerlar tomonidan amalga oshiriladi. Yetkazib berish narxi va shartlari Xaridor bilan Xaridorning har bir alohida Soʻrovnomasi boʻyicha muhokama qilinadi.

6.4. Mahsulot Xaridorga yuborilguniga qadar Internet doʻkon menejeri tomonidan istalgan vaqtda mahsulotni yetkazib berishdan toʻliq bosh tortish qarori qabul qilinishi mumkin. Mahsulotdan bekor qilingan taqdirda, ushbu Umumiy Qoidalarda koʻzda tutilgan hollarda, Xaridorga, rasmiylashtirish va yetkazib berish paytidagi barcha xarajatlarni olib tashlagan holda, u tomonidan toʻlangan summa qaytariladi.

6.5. Agar Mahsulotni yetkazib berish ushbu Umumiy Qoidalarda belgilangan muddatlarda amalga oshirilgan, ammo Xaridorning aybi bilan Mahsulot Xaridorga berilmagan boʻlsa (Xaridor yoki u tomonidan koʻrsatilgan qabul qiluvchining uyda yoʻqligi, yetkazib berish manzili notoʻgʻri koʻrsatilgani, Xaridor yoki qabul qiluvchining qabul qilishdan asossiz ravishda bosh tortishi va hokazo), keyingi yetkazib berish Sotuvchi bilan kelishilgan yangi muddatda, Xaridor Mahsulotni yetkazib berish boʻyicha xizmatlar narxini qayta toʻlaganidan keyin amalga oshiriladi.

6.6. Yetkazib berilgan vaqtda Xaridor Mahsulotni kuryer guvohligida uning butunligi, buyurtma qilingan miqdori, sifati va assortimentiga koʻra yaroqliligini tekshirishi shart. Agar Mahsulot sifatsiz boʻlsa yoki buyurtma qilingan miqdor va/yoki assortimentga mos kelmasa, unda buyurtma qilingan nojoiz/nomuvofiq mahsulotlardan voz kechish mumkin.

Yetkazib berilgan Mahsulotlar Xaridorga Sotuvchining tashuvchisi/kuryeri bilan Mahsulot topshirilishini qabul qilish toʻgʻrisidagi aktni va/yoki yuk hujjatlarini imzolash orqali topshiriladi. Tushunmovchiliklarga yoʻl qoʻymaslik uchun kuryer Xaridor yoki uning Vakilidan shaxsini tasdiqlovchi hujjatni taqdim etishni va ushbu hujjat tafsilotlarini Xaridor Soʻrovnomasi kvitansiyasida koʻrsatishni talab qilishga haqlidir.

6.7. Mintaqalarga yetkazib berish shartlari.

Mahsulotlarni respublika mintaqalariga yetkazib berish kuryer xizmatlari orqali amalga oshiriladi.

Kuryer xizmati ― Sotuvchi bilan tuzilgan shartnomaga koʻra, Sotuvchining Mahsulotlarni Xaridorlarga yetkazib berishni amalga oshiruvchi hamkori.

Yetkazib berish narxi Mahsulot vazni va oʻlchamiga qarab alohida‑alohida hisoblanadi va Xaridorga murojaat qilish vaqtida Xaridorga yetkaziladi.

U yoki bu Mahsulotni Oʻzbekiston Respublikasining istalgan mintaqasiga yetkazib berish imkoniyati Internet doʻkonning tegishli sahifasida Mahsulot tanlashda yoki telefon orqali Sotuvchi menejeridan aniqlanishi mumkin.

6.8. Xaridorning Kuryerdan Mahsulotni qabul qilib olishdagi majburiyatlari:

  • yetkazib berilgan Mahsulotni koʻzdan kechirish;
  • yetkazib berilgan Mahsulotning xizmat muddatini va qadoq butunligini tekshirish;
  • Mahsulot tayinlangan miqdori, assortimenti va toʻliqligiga muvofiqligini tekshirish uchun kuryer huzurida Mahsulotlarni ochish;
  • Yetkazib berilgan Mahsulotga nisbatan daʼvolar boʻlsa, Mahsulotni yetkazib bergan kuryer xizmati ishtirokida, aniqlangan nomuvofiqliklar va Mahsulotni qaytarish boʻyicha Akt tuzish. Agar qabul qiluvchi tomonidan yuqoridagi protsedura boʻyicha talablar ilgari surilmagan boʻlsa, u holda Sotuvchi ham Mahsulotni tegishli tarzda topshirish boʻyicha oʻz majburiyatlarini toʻliq bajargan deb hisoblanadi.

     

Sotuvchining Mahsulotni yetkazib berish boʻyicha majburiyati Xaridor/Qabul qiluvchi tomonidan Mahsulotni qabul qilib olish va Sotuvchining yetkazib beruvchisi/kuryeri bilan Mahsulot topshirilishini qabul qilish Aktini va/yoki yuk hujjatini imzolash paytida amalga oshirilgan hisoblanadi.

6.9. Mahsulotga daʼvolar mavjudligi yuzasidan kuryerlik xizmati orqali yetkazib berilgan Mahsulot qaytarib berilgan taqdirda, Xaridor qaytarilgan Mahsulot joʻnatmasiga quyidagi hujjatlarni ilova qilishi talab etiladi:

  • qabul qiluvchi va kuryerlik xizmati xodimi yoki Sotuvchining vakili imzosi bilan, ushbu hujjatning 2‑ilovasi shakli boʻyicha rasmiylashtirilgan, aniqlangan nomuvofiqliklar va Mahsulotni qaytarish toʻgʻrisida Akt.
  • Toʻlov kvitansiyasining nusxasi (agar toʻlov elektron toʻlov tizimlari orqali amalga oshirilmagan boʻlsa)

     

7. Mahsulotlarni qaytarish va almashtirish shartlari

7.1. Sifat talabiga javob beruvchi Mahsulotlar

7.1.1. Xaridor sifat talabiga javob beruvchi, buyurtma qilingan Mahsulotdan, istalgan paytda, hech qanday tushuntirishlarsiz voz kechishga haqlidir: uni qabul qilib olgunga qadar, Mahsulot kuryer tomonidan yetkazib berilgan vaqtda, shuningdek, qabul qilib olgandan soʻng ― 24 soat ichida. Mahsulotni qaytarish yoki almashtirish ushbu hollarda mumkin: Mahsulot koʻrinishi (qadoqlar, muhrlar, yorliqlar), isteʼmol xususiyatlari, shu jumladan, koʻrsatilgan Mahsulotni sotib olish dalillari va shartlarini tasdiqlovchi hujjat (Mahsulot yoki kassa cheki) zarar koʻrmagan boʻlsa. Oʻzbekiston Respublikasi Vazirlar Mahkamasining 2003-yil 13-fevraldagi 75‑sonli qarori bilan tasdiqlangan Oʻzbekiston Respublikasi Chakana savdo qoidalarining 1‑ilovasiga muvofiq sifat talabiga javob beruvchi Mahsulotlar qaytarilmaydi.

7.1.2. Bunday vaziyatda Mahsulotni qaytarish uchun quyidagilar talab qilinadi:

  • Internet doʻkonga Kontaktlar boʻlimida koʻrsatilgan telefon raqamlari orqali qoʻngʻiroq qilish;
  • qaytarish uchun ariza toʻldirish (saytda rasmiylashtirilishi yoki yozma ravishda toʻldirilishi mumkin)
  • mahsulot yoki kassa chekini qaytarib berish toʻgʻrisidagi arizaga ilova qilish (agar toʻlov elektron toʻlov tizimlari orqali amalga oshirilmagan boʻlsa).

7.1.3. Sifat talabiga javob beruvchi Mahsulotni qaytarish yoki almashtirishda yetkazib berish Xaridor hisobidan amalga oshiriladi.

7.2. Sifat talabiga javob bermaydigan Mahsulotlar

7.2.1. Xaridor sifat talabiga javob bermaydigan Mahsulotni qabul qilganidan soʻng, agar nuqsonlar Sotuvchi va Xaridor oʻrtasida muhokama qilinmagan boʻlsa, oʻz xohishiga koʻra Sotuvchidan quyidagilarni talab qilishga haqlidir:

  • shunga oʻxshash markadagi (model, artikul) Mahsulotga almashtirish;
  • toʻlov narxini tegishli ravishda qayta hisoblash bilan boshqa markadagi (model, artikul) aynan oʻxshash Mahsulotga almashtirish;
  • toʻlov narxini mutanosib tarzda tushirish;
  • Mahsulot nuqsonlarni zudlik bilan, bepul bartaraf etish;
  • Mahsulot nuqsonlarini bartaraf etish xarajatlarini qoplash;
  • Mahsulotdan voz kechish va pulni qaytarish.

7.2.2. Sifat talabiga javob bermaydigan Mahsulotlarni qaytarish tartibi 7.1.2‑bandda koʻrsatilgan tartibda amalga oshiriladi.

7.2.3. Qaytarish arizasida Xaridor tomonidan qaytarilayotgan Mahsulot qanday nuqsonga ega ekanligi aniq koʻrsatilishi kerak.

7.2.4. Mahsulotlarni kuryerlik xizmatlari orqali yetkazib berishda (shu jumladan uni qaytarish va almashtirish uchun) Mahsulot yuborilgan sana kuryerlik xizmati tomonidan joʻnatmada kuryerlik xizmati ichki hujjatlarida (pochta markasi, shtamp va boshqalar) nazarda tutilgan usullar bilan koʻrsatilgan sana hisoblanadi.

7.3. Mahsulot qaytarilgan taqdirda pul mablagʻlarini qaytarish Xaridordan tegishli ariza kelib tushgan kundan boshlab 10 ish kuni ichida amalga oshiriladi. Bunda mahsulot sotish bilan bogʻliq xarajatlar ushlab qolinadi. Mablagʻlar Xaridorning bank plastik kartasiga qaytarilishi mumkin.

8. Fors‑major.

8.1. Har qaysi tomon, agar bu bajarmaslik Bitim tuzilganidan va ushbu Umumiy qoidalar qabul qilinganidan soʻng paydo boʻlgan fors‑major holatlari natijasida yuzaga kelgan boʻlsa, Bitim va ushbu Umumiy qoidalar oldidagi majburiyatlarini toʻliq yoki qisman bajarmaganliklari uchun javobgarlikdan ozod etiladi. “Fors‑major Holatlari” bunday Tomon oʻzidagi bor vositalar bilan oldindan koʻra olishi yoki bartaraf qila olishi mumkin boʻlmagan favqulodda hodisalar yoki vaziyatlarni anglatadi. Bu kabi favqulodda hodisalar yoki vaziyatlar xususan shu kabilarni oʻz ichiga oladi: ish tashlashlar, toshqinlar, yongʻinlar, zilzilalar va boshqa tabiiy ofatlar, urushlar, harbiy harakatlar, Oʻzbekiston Respublikasi yoki boshqa davlat organlarining harakatlari, shuningdek, har qaysi Tomonning aqliy nazoratidan tashqarida boʻlgan har qanday boshqa vaziyatlar kiradi. Tomonlarning har biriga toʻgʻridan‑toʻgʻri yoki bilvosita taʼsir oʻtkazadigan amaldagi qonunchilik yoki normativ hujjatlarga kiritilgan oʻzgartirishlar fors‑major holatlari deb hisoblanmaydi, ammo agar har qaysi Tomonning Bitim yoki ushbu Umumiy qoidalarga koʻra qaysidir majburiyatini bajarishiga toʻsqinlik qiluvchi bunday oʻzgarish kiritilsa, Tomonlar Bitimni bajarishda davom etishlarini taʼminlash uchun mazkur muammolarni bartaraf etish tartibi toʻgʻrisida zudlik bilan qaror qabul qilishlari shart.

9. Tomonlar majburiyatlari

9.1. Bitim va ushbu Umumiy qoidalar shartlarini bajarmaganlik yoki tegishli tarzda bajarmaganlik uchun Tomonlar ushbu Umumiy qoidalar va Oʻzbekiston Respublikasining amaldagi qonunchiligiga koʻra javobgarlikni oʻz boʻynilariga oladilar.

9.2. Bitim boʻyicha oʻz majburiyatini bajarmagan yoki tegishli tarzda bajarmagan Tomon ushbu Umumiy qoidalar va Oʻzbekiston Respublikasining amaldagi qonunchiligiga koʻra bunday bajarmaslik natijasida kelib chiqqan zararni narigi Tomonga qoplab berishi shart.

9.3. Internet doʻkonda joylashtirilgan barcha matnli maʼlumotlar va grafik tasvirlar qonuniy mualliflik mulki hisoblanadi, koʻrsatilgan maʼlumot va tasvirlardan noqonuniy foydalanish Oʻzbekiston Respublikasining amaldagi qonunchiligiga koʻra taʼqib qilinadi.

9.4. Sotuvchi Xaridorning Internet doʻkondan foydalanish natijasida qandaydir bilvosita/qingʻir yoʻllar bilan yuzaga kelgan zararlari yoki qoʻldan chiqargan foydalari uchun javobgarlikni oʻz boʻyniga olmaydi.

9.5. Sotuvchi www.asaxiy.uz veb‑sayti faoliyatini taʼminlaydigan dasturiy-texnik kompleks ishidagi, Sotuvchiga bogʻliq boʻlmagan sabablarga koʻra yuzaga kelgan, buzilishlar, xatoliklar va nosozliklar, shu jumladan, Xaridorning dasturiy va/yoki texnik vositalardan vaqtincha foydalana olmasligi, shuningdek, Xaridorning bu bilan bogʻliq zararlari uchun javob bermaydi.

9.6. Sotuvchi Xaridorning quyidagilar natijasida koʻrgan zararlari uchun javobgar emas:

9.6.1. Xaridor tomonidan Internet doʻkonga kirish maqsadida foydalanilgan qurilmalar va dasturiy taʼminotlarda “viruslar” va boshqa zarar keltiruvchi dasturlar mavjudligi.

9.6.2. Internet doʻkonda toʻlov oʻtkazishda foydalanilgan rekvizitlarni notoʻgʻri toʻldirish, shu jumladan, ammo bu bilan cheklanmagan holda yetkazib berish manzilini notoʻgʻri koʻrsatish;

9.6.3. Xaridor tomonidan bitim va ushbu Umumiy qoidalarning buzilishi.

9.6.4. Uchinchi shaxslarning noqonuniy xatti‑harakatlari, shu jumladan, Xaridorning identifikatsion maʼlumotlaridan notoʻgʻri foydalanish bilan bogʻliq.

9.6.5. Xaridor tomonidan toʻlov oʻtkazishning belgilangan tartibiga xilof ish qilish.

9.7. Agar Xaridor Mahsulotni sotib olishda oʻz rekvizitlarini notoʻgʻri koʻrsatgan boʻlsa, u holda Sotuvchi pulni qaytarib berishni rad etish yoki Internet doʻkondan foydalanish boʻyicha boshqa harakatlarni amalga oshirish natijasida Xaridorga yetkazilgan zarar uchun javobgar boʻlmaydi.

9.8. Sotuvchi quyidagi hollarda Xaridorning shaxsiy kabinetiga kirishini blokirovka qilishga haqlidir:

  • Sotuvchiga boshqa Sotuvchilar va/yoki uchinchi shaxslardan Xaridor tomonidan ularning huquqlari va qonuniy manfaatlari buzilganligi toʻgʻrisida daʼvolar kelib tushishi;
  • Internet doʻkon xizmati dasturiy taʼminotining istalgan qismiga ruxsatsiz oʻzgartirish kiritish (kiritishga urinish) hollari aniqlanganda.
  • Xaridor tomonidan Bitim va ushbu Umumiy qoidalarning buzilishi.

9.9. Mahsulotni qismlarga boʻlib toʻlash sharti bilan sotib olish va ushbu Mahsulot uchun shaxsiy kabinet orqali Mahsulotni buyurtma qilishda tanlangan va Xaridor Soʻrovnomasida koʻrsatilgan toʻlovlar jadvaliga muvofiq toʻlov qilinmasligi yoki toʻlov kechiktirilishi hollarida Sotuvchi oʻz xohishiga koʻra, ammo bu bilan cheklanmagan holda:

9.9.1. qismlarga boʻlib toʻlash sharti bilan sotib olingan Mahsulot(lar)ni qaytarishni talab qilish, Xaridor esa, oldindan aytilgan qarz kunidan boshlab 3 (uch) yoki undan ortiq kun davomida toʻlovni kechiktirganda, Sotuvchining birinchi talabiga binoan, Mahsulot(lar)ni darhol, normal eskirishni hisobga olgan holda, payqaladigan nosozlik va/yoki modifikatsiyalarsiz, toʻgʻri ishlayotgan va toʻliq funksional holatda, barcha tegishli hujjatlar va qadoqlar (tara) bilan birga qaytarib berishni oʻz zimmasiga oladi. Shu bilan birga, agar qaytarilgan Mahsulotlar qarzni toʻliq qoplash uchun yetarli boʻlmasa, oradagi farqi naqd pul bilan qaytarilishi kerak.

Agar Xaridor Mahsulot(lar)ni qaytarishdan yoki kechiktirilgan summani toʻlashdan bosh tortsa, Sotuvchi Oʻzbekiston Respublikasining vakolatli davlat organlariga, ijro varaqasini (yozuvi)ni olish maqsadida notariusga va/yoki Fuqarolik ishlari boʻyicha Yunusobod tumanlararo sudiga daʼvo arizasi bilan murojaat qilishi mumkin. Qarzni undirish va Mahsulot(lar)ni qaytarib olish bilan bogʻliq xarajatlar va zararlar Xaridor tomonidan toʻliq qoplanadi.

9.9.3. Mahsulotni qabul qilgan Xaridor toʻlov majburiyatini Xaridor Soʻrovnomasida rasmiylashtirilgan toʻlovlar jadvali va/yoki Mahsulotni yetkazib berish va qabul qilish toʻgʻrisidagi Aktga koʻra belgilangan muddatda bajarmasa, Sotuvchi yuborilgan Mahsulot uchun toʻlovlarni va tegishli toʻlovlarni toʻlashni yoki toʻlanmagan Mahsulotni qaytarishni talab qilish huquqiga ega.

10. Shikoyat va nizolarni hal qilish tartiblari.

10.1. Bitim va ushbu Umumiy qoidalarga koʻra barcha majburiyatlarni bajarmaganlik yoki tegishli tarzda bajarmaganlik bilan bogʻliq barcha nizolarni Tomonlar muzokaralar va daʼvolar yuborish jarayonida hal qilishga harakat qilishadi. Daʼvoni koʻrib chiqish muddati daʼvo kelib tushgan kundan boshlab 3 kalendar kunni tashkil qiladi. Sotuvchi sudgacha tartibga solish va nizolarni muzokaralar yoʻli bilan hal qilish protseduralarini qoʻllamasdan, kechiktirilgan toʻlovlar uchun qarzlar va jarimalarni undirishga notariuslar tomonidan tuzilgan ijro varaqasini olish va/yoki Fuqarolik ishlari boʻyicha Yunusobod tumanlararo sudiga daʼvo arizasini topshirish huquqini oʻzida saqlab qoladi.

10.2. Muzokaralar davomida va shikoyat tartibiga binoan kelishuvga erishilmasa, Sotuvchining oʻrnashgan joyida (kelishilgan yurisdiksiya) Oʻzbekiston Respublikasining amaldagi qonunchiligiga muvofiq sud tartibida hal qilinadi.

11. Boshqa shartlar

11.1. Internet doʻkonning, ushbu Umumiy qoidalarda havola qilingan, qoida va shartlarni tushuntirib oʻtuvchi boʻlimlari va Internet doʻkonning boshqa boʻlimlari ushbu Umumiy qoidalarning ajralmas qismi hisoblanadi.

11.2. Sotuvchi bilan aloqa oʻrnatgan Xaridor Oʻzbekiston Respublikasining “Shaxsiy maʼlumotlar toʻgʻrisida”gi Qonuniga muvofiq “ASAXIY UZ” MCHJga quyidagilar boʻyicha rozilik bildiradi va ruxsat beradi:

11.2.1. Xaridor tomonidan taqdim etilgan qoʻshimcha telefon raqamlariga qarzni uzish va/yoki Xaridorning mavjud qarzlar toʻgʻrisida, shu jumladan, Xaridorning qarzlarini undirish boʻyicha koʻrilayotgan chora‑tadbirlar toʻgʻrisida sms‑xabar yuborish, shuningdek, telefon raqamlari Xaridor tomonidan qoʻshimcha kontaktlar sifatida taqdim etilgan shaxslarga, Xaridor va uning toʻlov qilish qobiliyati/daromadi, bilan bogʻliq takliflar/maʼlumotlarni olish, Xaridorga Mahsulot(lar)ni qismlarga boʻlib toʻlash sharti bilan sotish boʻyicha ularning fikr/roziligini bilish va Xaridorning qarzlari, shuningdek, ularni undirish boʻyicha koʻrilayotgan chora‑tadbirlar toʻgʻrisida xabar berish uchun, qoʻngʻiroq qilish.

Kredit axboroti almashinuvi toʻgʻrisida»gi OʻzR Qonunining 19‑moddasi va “Shaxsiy maʼlumotlar toʻgʻrisida”gi OʻzR Qonunining 18‑moddasiga muvofiq, Xaridor kredit hisobotini olishga, kredit tarixini shakllantirishga va oʻzi toʻgʻrisidagi kredit maʼlumotlarini Sotuvchi bilan almashinishga, shuningdek, Bitimni tuzish va uni amalga oshirish boʻyicha chora‑tadbirlar koʻrilishi uchun oʻzining shaxsiy maʼlumotlarini qayta ishlanishiga toʻla roziligini bildiradi.

11.2.2. Shaxsiy maʼlumotlarni, shu jumladan, familiya, ism, otasining ismi, tugʻilgan yili, jinsi, ish joyi va lavozimi, pochta manzili; uy, ish va mobil telefoni raqamlari, elektron pochta manzili, Xaridorning mavjud qarzdorligi va (yoki) miqdorini, shaxsiy baholash (skoring) tizimi va xaridorning kredit va toʻlov imkoniyati reytingini aniqlash doirasida foydalanish uchun, yigʻish, tizimlashtirish, toʻplash, saqlash, aniqlashtirish (yangilash, oʻzgartirish) kabilarni oʻz ichiga olgan holda, qayta ishlash. Mazkur maʼlumotlarni davlat organlariga ularning qonuniy talablariga asosan taqdim qilish. Maʼlumotlarni faqat Oʻzbekiston Respublikasi hududi ichida Sotuvchining kontragentlariga, keyinchalik ularni, xizmatlar sifatini oshirishga qaratilgan tadqiqotlarni olib borish, marketingga oid dasturlar va statistik tadqiqotlarni oʻtkazish, shuningdek, xaridor bilan, pochta xizmati, elektron pochta, telefon, faks orqali aloqa, Internet tarmogʻi kabi, ammo bu bilan cheklanmagan, turli xil aloqa vositalaridan, foydalangan holda toʻgʻridan‑toʻgʻri aloqa oʻrnatish orqali xizmatlarni targʻib qilish maqsadlarida, (yigʻish, tizimlashtirish, toʻplash, saqlash, aniqlashtirish (yangilash, oʻzgartirish), foydalanish kabilarni oʻz ichiga olgan holda) qayta ishlashlari uchun yuborish.

11.2.3. Sotuvchiga va Sotuvchining kontragentlariga Xaridorning shaxsiy maʼlumotlarini avtomatlashtirilgan maʼlumotlar bazasini boshqarish tizimlari, shuningdek Sotuvchi nomidan maxsus ishlab chiqilgan boshqa dasturiy vositalar yordamida qayta ishlashga roziligini bildiradi va ruxsat beradi. Bunday tizimlar bilan ishlash operator tomonidan belgilangan algoritm boʻyicha amalga oshiriladi (yigʻish, tizimlashtirish, toʻplash, saqlash, takomillashtirish, foydalanish, blokirovka qilish, yoʻq qilish). Amaldagi ishlov berish usullari (oʻz ichiga olgan, ammo bular bilan cheklanmagan holda): pochta indekslarini kodlar bazasi bilan avtomatik tekshirish, koʻchalar/aholi punktlari nomlarining imlosini avtomatik tekshirish, Xaridor bilan telefon, pochta aloqalari orqali yoki internet tarmogʻi orqali kontakt yordamida aloqaga chiqish yoʻli bilan, maʼlumotlarni Xaridor bilan birgalikda aniqlashtirish, maʼlumotlar bazasini belgilangan mezonlarga muvofiq segmentatsiya qilish. Xaridor, agar ushbu Umumiy qoidalarda koʻrsatilgan maqsadlarni amalga oshirish uchun zarur boʻlsa, uning Sotuvchi tomondan qabul qilib olingan maʼlumotlari Sotuvchi tomonidan, ushbu shaxslar bilan tuzilgan bitimga koʻra, ushbu uchinchi shaxslar tomonidan shaxsiy maʼlumotlarning maxfiyligini va ularni qayta ishlash paytida shaxsiy maʼlumotlarning xavfsizligini taʼminlash toʻgʻrisidagi qonun hujjatlari talablariga rioya qilish sharti bilan, Xaridorning shaxsiy maʼlumotlarini qayta ishlash uchun ishonib topshirilishi mumkin boʻlgan uchinchi shaxslarga yuborilishi mumkinligiga roziligini bildiradi. Xaridorning koʻzda tutilgan shaxsiy maʼlumotlarini uzatishda Sotuvchi Xaridorning shaxsiy maʼlumotlarini qabul qilib olayotgan shaxslarni ushbu maʼlumotlar maxfiy sanalishi va ular Sotuvchi tomonidan tayin qilingan maqsadlardagina ishlatilishi mumkinligi toʻgʻrisida ogohlantiradi va ushbu shaxslardan bu qoidaga rioya qilishni talab qiladi.

11.2.4. Yuqoridagi 11.2.4. bandga koʻra Xaridorning shaxsiy maʼlumotlarini uchinchi shaxslarga va ommaviy tarqatish uchun yuborilgan taqdirda, Sotuvchi uch kun ichida Xaridorni Internet doʻkondagi shaxsiy kabinetiga xabar yoki Xaridorning mobil raqamiga SMS‑xabar yuborish orqali xabardor qiladi.

11.3. Xaridor Sotuvchidan, tegishli yozma soʻrovnomani Sotuvchining pochta manziliga, yoki Internet tarmogʻi orqali kontakt yordamida, shuningdek, Xaridorning shaxsiy kabineti orqali soʻrovnoma yuborish bilan, oʻzining shaxsiy maʼlumotlari, ularni qayta ishlash va ishlatish toʻgʻrisida toʻliq maʼlumotlarni soʻrashga, shuningdek notoʻgʻri yoki toʻliq boʻlmagan shaxsiy maʼlumotlarni chiqarib tashlash yoki toʻgʻrilash/toʻldirishni talab qilish huquqiga ega.

11.4. Xaridor tomonidan uning shaxsiy maʼlumotlarini qayta ishlashga beriladigan rozilik muddatsiz boʻlib, Sotuvchining pochta manziliga, yoki Internet tarmogʻi orqali kontakt yordamida, shuningdek, Xaridorning shaxsiy kabineti orqali soʻrovnoma yuborish bilan bekor qilinishi mumkin.

11.5. Sotuvchi oʻz tanloviga koʻra sms xabarlar xizmatidan foydalanmasligi va Xaridorni buyurtmaning bajarilish holati toʻgʻrisida, shuningdek, toʻlov muddati oʻtib ketgani va oʻz vaqtida toʻlamaslik masalalari toʻgʻrisida boshqa yoʻllar bilan, shu jumladan, telefon qoʻngʻiroqlari yordamida va/yoki elektron pochta orqali Xaridor roʻyxatdan oʻtish vaqtida koʻrsatgan elektron manzilga xabar yuborib, xabardor qilishi mumkin. Buyurtmani topshirishda Xaridor bunday turdagi xabarnomalarni toʻliq va eʼtirozsiz olishga roziligini bildiradi.

11.6. Ushbu Umumiy qoidalar va unga ilova qilingan barcha qoʻshimchalar Xaridor uchun tushunarli tilda yozildi.

asaxiy app image

Sizning internet do'koningiz